ސިފައިން ބޭނުންކުރަމުން އަންނަ ސިފަވަރުގައި ތަރައްގީ ކުރަން ނިންމާފައިވާ އަސްކަރީ ބަނދަރު "އެކަތަ" އިފުތިތާހުކޮށްފި އެވެ.
އެ މަޝްރޫއު އިއްޔެ އިފްތިތާހުކޮށް ދެއްވީ އިންޑިއާގެ ޑިފެންސް މިނިސްޓަރު ރާޖްނާތު ސިންގް ރާއްޖޭގެ ޑިފެންސް މިނިސްޓަރު މާރިޔާ އަހުމަދުދީދީ އެވެ.
އުތުރު ތިލަފަޅުގައި ސިފައިންގެ ކޯސްޓްގާޑުގެ ބަނދަރަކާއި ޑޮކްޔާޑެއް ތަރައްގީ ކުރަން އިންޑިއާއާއެކު ރާއްޖެއިން ސޮއިކުރީ ވަނަ ފެބްރުއަރީ 21، 2021 ގަ އެވެ.
The Defence Ministers of India and Maldives, H.E.@rajnathsingh & H.E.@MariyaDidi launched the Development of MNDF EKATHA Harbour Project at Sifavaru today. This facility will enhance readiness of MNDF Coast Guard & continue to resonate the defence cooperation of our two forces. pic.twitter.com/wAckYFx85T
— Maldives National Defence Force (@MNDF_Official) May 3, 2023
މި އެއްބަސްވުމުގެ ދަށުން އުތުރު ތިލަފަޅުގައި ޖެޓީއަކާއި ހާބާ ފެސިލިޓީއަކާއި ސްލިޕްވޭއަކާއި ބަނދަރަށް ބޭނުންވާ އެހެނިހެން ޢުމްރާނީ ވަސީލަތްތައް ތަރައްޤީކުރުމާއި މުއާޞަލާތީ ވަސީލާތްތަކާއި ރާޑަރުގެ ޚިދުމަތްތައް ތަރައްޤީކުރުމުގައި އިންޑިއާ ސަރުކާރުން ދިވެހި ސަރުކާރަށް އެހީތެރިކަން ފޯރުކޮށް ދޭނެ އެވެ.
އެއްބަސްވުމުގައިވާ ގޮތުގެމަތިން، އިންޑިއާގެ ފަންނީ މާހިރުން، ދިވެހި މުވައްޒަފުން ތަމްރީނުކުރުމާއި، ޑޮކްޔާޑް އަދި ބަނދަރުގައި ޤާއިމުކޮށްފައިވާ އެކިއެކި ވަސީލަތްތައް މަރާމާތުކޮށް ބެލެހެއްޓުމުގައި އިންޑިއާ އިން 15 އަހަރު ދުވަހުގެ މުއްދަތަކަށް އެހީތެރވެދޭނެ އެވެ.