ކުޅެމުން އަންނަ ފްރާންސްގެ ކުލަބް ފީއެސްޖީގެ ހުއްދަ ނުހޯދައި އެ ޓީމްގެ މަޝްހޫރު ކުޅުންތެރިޔާ ލިއޮނަލް މެސީ މިދިޔަ ހަފުތާގައި ސައޫދީ އަރަބިއްޔާ އަށް ދިއުމާ ގުޅިގެން ސަސްޕެންޑްކޮށްފައި ވަނިކޮށް މައާފަށް އެދިއްޖެ އެވެ.
އާޖެންޓީނާ އަށް އުފަން ކުޅުންތެރިޔާ މައާފަށް އެދިފައިވާ ވީޑިއޯއެއް ވެސް ސޯޝަލް މީޑިއާގައި އާންމުކޮށްފައިވާ އިރު، އޭގައި ބުނީ ޓީމްގެ މެނޭޖްމަންޓާއި ކުޅުންތެރިންގެ ކިބައިން ވެސް މައާފަށް އެދޭ ކަމަށެވެ. އަދި ޓީމަށް އެންގުމަކާ ނުލައި ފުރައިގެން ދިޔައީ އާދައިގެ މަތިން މެޗަކަށް ފަހު ހުސް ދުވަހެއް ލިބޭތީ އެކަން އެގޮތަށް އޮތް ކަމަށް ގަބޫލު ކުރެވިގެން ކަމަށް ބުންޏެވެ.
“I thought we were going to have a day off after the game as always. I had this trip organised and I couldn't cancel it. I apologise to my teammates." https://t.co/TP24B5zTCj
— Leo Messi (@imessi) May 5, 2023
މެސީ ބުނީ ސައުދީ އަށް ދިޔައީ އެ ދަތުރަކީ މާ ކުރިން ރޭވިފައި އޮތް ދަތުރަކަށްވުމާ އެކީ އެ ކެންސަލް ވެސް ކުރެވެން ނެތުމުން ކަމަށެވެ. އެ ދަތުރުގައި މެސީގެ އަންހެނުންނާއި ކުދިން ވެސް ބައިވެރިވި އެވެ.
I am happy to welcome #Messi and his family to Saudi to enjoy the magical tourist destinations and authentic experiences.
We welcome visitors from all around the world to experience a unique trip to Saudi Arabia and its hospitality. 🇸🇦#WelcomeMessi pic.twitter.com/QQGdnAqQ08
— Ahmed Al Khateeb أحمد الخطيب (@AhmedAlKhateeb) May 1, 2023
ޓީމަށް ނޭނގި ފުރައިގެން ދިއުމުން ޕީއެސްޖީން މެސީ ސަސްޕެންޑްކުރީ ދެ ހަފުތާއަށެވެ.
އޭނަ ސައޫދީ އަށް ދިޔައީ އެ ގައުމުގެ ޓޫރިޒަމް މިނިސްޓްރީން ލިބުނު ޓޫރިޒަމްގެ ޕްރޮމޯޝަނަލް ދަތުރަކަށެވެ. އެ ދަތުރުގެ ތެރެއިން ނަގާފައިވާ ފޮޓޯއެއް މީގެ ހަ ދުވަސް ކުރިން މެސީ ސޯޝަމް މީޑިއާގައި ވެސް ޕޯސްޓްކޮށްފައިވެ އެވެ. އޭގައި ފެންނަނީ ފެހިކަން ގަދަ ސަރަހަދެއްގައު ހުރި ކަދުރު ރުއްތަކެކެވެ.