ފޮރިން މިނިސްޓަރު އަބްދުﷲ ޝާހިދު ރަސްމީ ދަތުރުފުޅެއްގައި ހަންގޭރީއަށް ވަޑައިގެންފިއެވެ.
މި ދަތުރުފުޅުގައި މިނިސްޓަރު ޝާހިދުގެ އަރިހުގައި ރައީސް އޮފީހުގެ ޗީފް އޮފް ސްޓާފް އަލީ ޒާހިރުވެސް ބައިވެރިވެވަޑައިގެންފައިވެއެވެ.
ފޮރިން މިނިސްޓްރީން ބުނެފައިވަނީ މިނިސްޓަރު ޝާހިދުގެ މި ދަތުރުފުޅުގައި ހަންގޭރީގެ މިނިސްޓަރ އޮފް ފޮރިން އެފެއާޒް އެންޑް ޓްރޭޑް، ޕީޓަރ ސިއާޓޯއާ ބައްދަލުކުރައްވާނެކަމަށެވެ. މި ބައްދަލުކުރެއްވުމުގައި ދެ ގައުމުގެ ގުޅުން އިތުރަށް ބަދަހިކުރުމާ ގުޅޭގޮތުން މަޝްވަރާ ކުރައްވާނެ ކަމަށެވެ.
މީގެއިތުރުން މިނިސްޓަރު ޝާހިދު ހަންގޭރީގެ ސަރުކާރުގެ އިސްވެރިންނާ ބައްދަލުކުރައްވާނެ ކަމަށްވެސް ފޮރިން މިނިސްޓްރީން މައުލޫމާތުދެއެވެ.
Foreign Minister Abdulla Shahid arrives in Hungary on an Official Visit
📃 Press Release | https://t.co/K5OpH2ykQl pic.twitter.com/KMdzwf7WFj
— Ministry of Foreign Affairs 🇲🇻 (@MoFAmv) May 11, 2023
ހަންގޭރީގެ ފޮރިން މިނިސްޓަރު ވަނީ މިދިޔަ އަހަރުގެ ނޮވެމްބަރު މަހުގެ ތެރޭގައި ރާއްޖެއަށް ދަތުރުކުރައްވާފައެވެ. އަދި މިދަތުރުގައި ދެގައުމުގެ ދެމެދުގައި ތިން އެއްބަސްވުމެއްގައި ސޮއި ކުރައްވާފައިވެސްވެއެވެ.