ހުޅުމާލެގައި ތަޢުލީމު ފޯރުކޮށްދޭ އިންސްޓިޓިއުޓެއް ޤާއިމް ކުރުމަށް ފްރޭމްވޯކް އެއްބަސްވުމެއްގައި ސޮއިކޮށްފިއެވެ.
އާބަންކޯއާއި އަލް-މަދީނާ ޕްރައިވެޓް ލިމިޓެޑާއި ދެމެދު ވެވުނު އެއްބަސްވުމުގެ ދަށުން ހުޅުމާލޭ ފޭސް އެކެއްގައި ތަޢުލީމް ފޯރުކޮށްދޭ މަރުޒެއް ޤާއިމް ކުރާނެއެވެ. އެއްބަސްވުމުގައި އާބަންކޯގެ ފަރާތުން ސޮއިކުރެއްވީ، އެކުންފުނީގެ މެނޭޖިންގް ޑިރެކްޓަރ އަހުމަދު އާތިފްއެވެ. އަލް-މަދީނާ ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެކުންފުނީގެ ސީއީއޯ އަލީ އަހްސަންއެވެ.
Excited to share that we’ve signed a framework agreement with Al-Madheena Investments Private Limited regarding the development of an educational institution in Hulhumalé.#SupportingCommunities#WithUrbanco pic.twitter.com/Ig9e2sL4cK
— Urbanco (@hdcmaldives) May 14, 2023
އަލް-މަދީނާ ޕްރައިވެޓް ލިމިޓެޑަކީ ކުރީގެ އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސަޢީދުގެ ހިއްސާ އޮންނަ ކުންފުންޏެކެވެ. އެ ކުންފުނީގެ ދަށުން ޢިލްމް އިންސްޓިޓިއުޓުގެ ނަމުގައި އިސްލާމީ ތަމްރީނު ދޭ ތަނެއް ހިންގައެވެ. މީގެ އިތުރުން ކޮއްކޮމެންގެ ޕްރީ ސްކޫލުގައި ނަމުގައި ހިންގާ ސްކޫލަކީވެސް ކުންފުނީގެ ދަށުން ހިންގާ ތަނެކެވެ.
އާބަންކޯއާއި އެކު ވެވުނު އެއްބަސްވުމުގެ ދަށުން ޤާއިމް ކުރާ ތަޢުލީމު ދޭ މަރުކަޒާއި ގުޅޭ މާބޮޑު ތަފްސީލެއް މިހާތަނަށް ދެ ފަރާތުންވެސް ހާމަކޮށްފައި ނުވެއެވެ.