އިސްތިއުފާ ދެއްވަން ނިންލެވި ލޯކަލް ގަވަރަމަންޓް އޮތޯރިޓީ (އެލްޖީއޭ) ގެ ސީއީއޯ އަފްޝަން ލަތީފަކީ ވަރަށް މަސައްކަތްތެރި ހީވާގީ ބޭފުޅެއް ކަމަށް އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެ އެވެ.
މި މަހުގެ 18 އިން ފެށިގެން އެލްޖީއޭގެ ސީއީއޯގެ މަގާމުން އޭނަ ވަކިވެވަޑައިގަންނަވަން މިއަދު ނިންމެވުމާ ގުޅިގެން ނަޝީދު ކުރެއްވި ޓްވީޓެއްގައި ވިދާޅުވީ ސަރުކާރަށް ގެއްލިގެން އެ ދިޔައީ ވަރަށް ގާބިލު ބޭފުޅެއް ކަމަށެވެ.
"ގޮންޖެހުންތަކާއި ފިތުނަތަކުގެ ތެރެއިން ލާމަރުކަޒީ ނިޒާމު ކާމިޔާބު ކުރުމަށް ވަރަށް ހާއްސަ ޝުކުރެއް [އަދާކުރަން] ނަޝީދު ވިދާޅުވި އެވެ. "[އަދި] ކާމިޔާބު މުސްތަގުބަލަކަށް އެދެން."
Afshan ge isthiufa aai eku sarukaarah gelligen edhiyaee varah masakkaiytheri, heevaagi adhi qabil eh beyfulhaa. Gonjehun thakai fihthun thakuge therein laamarukazee nizaam kamiyaab kurumah kurevvi masakkathah vakin khaassa shukureh. Kaamiyaab musthaqbalakah edhen @AfshanLatheef
— Mohamed Nasheed (@MohamedNasheed) May 15, 2023
ކުރިން އެމްޑީޕީގެ ޑެޕިއުޓީ ސެކްރެޓަރީ ޖެނަރަލްގެ މަގާމު ވެސް އަދާކުރެއްވި އަފްޝަން އެލްޖީއޭގެ ސީއީއޯގެ މަގާމަށް އައްޔަންކުރީ ޖޫން 9، 2020 ގަ އެވެ. އޭނަ އަކީ މާޗް މަހު އެސްޓީއޯގެ މެނޭޖިން ޑިރެކްޓަރުގެ މަގާމުން ވަކިކުރ ހުސައިން އަމްރުގެ އަނބިކަނބަލުންނެވެ.
އެ ދެ ބޭފުޅުންނަކީ ވެސް ނަޝީދުގެ "ފިކުރެއްފެ ދިރުން" ފެކްޝަންގައި އުޅުއްވާ ދެ ބޭފުޅުންނެވެ.