އެމެރިކާ އިން އިންޑިއާ އަށް ކަނޑައަޅުއްވާފައި ހުންނަވާ ސަފީރު އެރިކް ގާސެޓީ، ބޮލީވުޑްގެ ތަރި ޝާހްރުކް ޚާނާ ބައްދަލުކުރައްވައިފި އެވެ.
މުމްބާއީގައި ހުންނަ ޝާހްރުކްގެ ލަގްޒަރީ ގެ، މަންނަތުގައި ބޭއްވި ބައްދަވުމުގެ ފޮޓޯތަކަކާ އެކީ ސަފީރު ޓްވިޓާގައި ވިދާޅުވީ މަންނަތުގައި ޝާހްރުކާ ބައްދަލުކޮށް ގިނަ ވާހަކަތަކެއް ދެކެވުނު ކަމަށެވެ. އެގޮތުން ބޮލީވުޑާ ބެހޭ ވަރަށް ގިނަ މައުލޫމާތު ލިބިވަޑައިގަތް ކަމަށާއި ހޮލީވުޑާއި ބޮލީވުޑަކީ މުޅި ދުނިޔެ އަށް އޭގެ ނުފޫޒު ވަރަށް ބޮޑަށް އޮތް ދެ އިންޑަސްޓްރީ ކަމަށް ވިދާޅުވި އެވެ.
Is it time for my Bollywood debut? 😉 Had a wonderful chat with superstar @iamsrk at his residence Mannat, learning more about the film industry in Mumbai and discussing the huge cultural impact of Hollywood and Bollywood across the globe. #AmbExploresIndia pic.twitter.com/SLRQyhhn8C
— U.S. Ambassador Eric Garcetti (@USAmbIndia) May 16, 2023
ސަފީރުގެ ޓްވީޓްގައި މިއީ އޭނަ ވެސް ބޮލީވުޑަށް ނުކުންނަވަންވީ ވަގުތުތޯ ސަމާސާއަކަށް އައްސަވާފައިވެ އެވެ.
އިންޑިއާގައި ހުންނަވާ އެމެރިކާ ސަފީރު ޝާހްރުކާ ބައްދަލުކުރެއްވި އިރު، އޭނަ އަކީ އިންޑިއާގެ އެންމެ ނުފޫޒު ގަދަ އެއް ތަރި އެވެ. މަންނަތުގައި ޝާހްރުކާ އެކީ ބައްދަލުވުމުގައި އޭނަގެ އަންހެނުން ގޯރީ ޚާން ވެސް ބައިވެރިވި އެވެ. އަދި ޝާހްރުކްގެ އޮޓޯގްރާފާ އެކީ ބައެއް ތަކެތި ސަފީރަށް ހަދިޔާކުރި އެވެ.
އެރިކް އިންޑިއާގެ ސަފީރަކަށް އައްޔަންކުރެއްވީ މި މަހުގެ 11 ގަ އެވެ.