ފްރާންސްގައި މިހާރު ކުރިއަށްދާ މި އަހަރުގެ ކާންސް ފިލްމު ފެސްޓިވަލްގައި އިންޑިއާގެ މަޝްހޫރު ބަތަލާ އައިޝްވާރިއާ ރާއީގެ ފުރަތަމަ ފެނިލުން އިއްޔެ ދައްކައިލި އިރު، އޭނަ ލައިގެން ހުރި ހެދުމަށް ބޮޑެތި ފާޑުކިޔުންތަކެއް އަމާޒުވެއްޖެ އެވެ.
މިއާ އެކީ ޓްވިޓާގައި އެ ހެދުމާ ބެހޭ ގޮތުން އެކި ކަހަލަ ޝުއޫރުތައް ފާޅުކުރަމުން އަންނަ އިރު، ހެދުމަށް ޖޯކް ޖަހައް މީމްތައް ވެސް އަންނަނީ ދައުރުކުރަމުންނެވެ.
ވަރަށް ނިވާކަން ބޮޑުކޮށް ކަޅާއި ރިހި ކުލައިގެ މެޓީރިއަލުން ފަރުމާކޮށްފައިވާ ހެދުމުގައި އައިޝްވާރިއާ ފެނުނީ ފޮރުވިފައިން އިން ކަހަލަ ގޮތަކަށެވެ. އަދި އެ ހެދުމުގެ އަޅައިގަންނަ ކަހަލަ އެއްވެސް ގޮތެއް ނެތް ކަމަށާއި އެ ފެނުނީ ބަލާލަން ވެސް ވަރަށް ހުތުރުކޮށް ކަމަށް ގިނަ ބަޔަކު ބުނެފައިވެ އެވެ،
Did she mean to Pay homage to his in law tho 😬❤️#AishwaryaRaiBachchan𓃵 #AishwaryaRai #AishwaryaRaiBachchan @SrBachchan pic.twitter.com/YPc5924diy
— Aishwarya Rai💙 (@My_AishwaryaRai) May 18, 2023
އައިޝްވާރިއާ އަކީ އިންޑިއާގެ ތަރިންތަކުގައި ކާންސްގެ އެންމެ އާންމު މޫނެވެ. އޭނަ މި ފެސްޓިވަލްގައި ބައިވެރިވާތާ މިހާރު ވިއްސަކަށް އަހަރު ވަނީ އެވެ.
When Aishwarya Rai Gift wraps herself 😂😂 #AishwaryaRaiBachchan #AishwaryaAtCannes pic.twitter.com/mYNG6R5lO0
— Rosy (@rose_k01) May 18, 2023
ފާއިތުވި ތަނުގައި ވެސް 1994 މިސް ވޯލްޑް، ކާންސްގައި ބޭނުންކުރި ބައެއް ހެދުންތަކާއި ކޮށްފައިވާ މޭކަޕްތަކަށް ވެސް ފާޑުކިޔުންތައް އަމާޒުވެފައިވެ އެވެ. އެގޮތުން އެންމެ ފާހަގަކޮށް ލެވެނީ 2016 ގެ ފެސްޓިވަލްގައި އޭނަ ބޭނުންކުރި ދަނބު ކުލައިގެ ލިޕްސްޓިކް ކަމުނުގޮސްގެން އެ ވާހަކަ އޭރު ބޮޑު ބަހުސަކަށްވުމެވެ.
Found Aishwarya’s inspiration #AishwaryaRai #Cannes #AishwaryaRaiBachchan pic.twitter.com/lnIdMaPhhF
— Armchair commentator (@PariNeedty) May 18, 2023
މި އަހަރުގެ ކާންސްގައި އިންޑިއާގެ ވަރަށް ގިނަ ތަރިން ބައިވެރި އެވެ. އޭގެ ތެރޭގައި ސާރާ އަލީ ޚާން، މަނޫޝީ ޗިލާރް، މުރްނާލް ތާކޫރް، އީޝާ ގުޕްތާ، އުރްވަޝީ ރޯޓޭލާ ފަދަ ތަރިން ހިމެނެ އެވެ.