ރައީސް ނަޝީދު އިސް އުފައްދަވަން މަސައްކަތް ކުރައްވާ ފިކުރެއްގެ ދިރުން ފެކްޝަންގެ ޕާޓީގެ ތަރުޖަމާނަކަށް އެލްޖީއޭގެ ކުރީގެ ރައީސާ އަފްޝަން ލަތީފް ހަމަޖައްސައިފިއެވެ.
ނަޝީދު އިސްވެ ހުންނަވާ އުފައްދަން މަސައްކަތް ކުރާ ޕާޓީގެ ތަރުޖަމާނަކަށް އަފްޝަން ހަމެޖެއްސިކަން އިއުލާންކޮށްފައިވަނީ ފިކުރެއްގެ ދިރުން ފެކްޝަންގައި އިސްކޮށް ހަރަކާތްތެރިވާ ހެންވެއިރު ހުޅަނގު ދައިރާގެ މެންބަރު ހަސަން ލަތީފްއެވެ. އަފްޝަން ތަރުޖަމާނެއްގެ ގޮތުގައި އިއުލާން ކުރެއްވިއިރު އަފްޝަން ވަނީ ދާދި ފަހުން އެލްޖީއޭގެ ރައީސާ ކަމުން އިސްތިއުފާ ދެއްވާފައެވެ.
އެމްޑީޕީގެ ރިޔާސީ ޕްރައިމަރީން ނާކާމިޔާބުވުމާ އެކު ރައްޔިތުންގެ މަޖިލީހުގެ ރައީސް މުހައްމަދު ނަޝީދު އުފެއްދެވި "ފިކުރެއްގެ ދިރުން ފެކްޝަން" އިން އުފައްދަން ނިންމާފައިވާ ޕާޓީ އުފެއްދުމުގެ މަސައްކަތް މިހާރު ވަނީ ފަށާފައެވެ.
އަޅުގަނޑުމެން އަލަށް ރަޖިސްޓަރީ ކުރުމަށް މަސައްކަތްކުރާ ސިޔާސީ ޕާޓީއާގުޅޭ ކަންކަމުގެ ސްޕޯކްސްޕަރސަން އަކީ @AfshanLatheef ކަަމުގައި ދަންނަވަމެވެ.
The Spokesperson of the new Political Party to be formed is @AfshanLatheef
— Hassan Latheef🎈 (@HassanLatheef) May 20, 2023
އެގޮތުން މި ޕާޓީއަށް ކިޔާނެ ނަމަކާއި ޕާޓީގެ ކުލަ ކަނޑައެޅުމަށް އާންމުންގެ ޙިިޔާލު ހޯދުމަށް މިހާރު އިއުލާންކޮށްފައިވާއިރު، ފިކުރެއްގެ ދިރުން ފެކްޝަނުން ވަނީ ރިޔާސީ އިންތިޙާބަށް ކެންޑިޑޭޓަކުވެސް ނެރޭނެ ކަން އިއުލާން ކުރައްވާފައެވެ.
މި ޕާޓީ އުފެއްދުމަށް އަންނަ ހަފްތާގައި ފޯމު ހުށަހެޅުމަށް ފަހު 3،000 މީހުންގެ ސޮއި ހޯދުމުގެ މަސައްކަތް ފަށާނެ ކަމަށް އެ ފެކްޝަނުން ބުނެ އެވެ. އެ ފެކްޝަނަށް ނިސްބަތްވާ 13 މެމްބަރަކު ދާދިފަހުން ވަނީ އެމްޑީޕީން ވަކިވެފަ އެވެ.
ފިކުރެއްގެ ދިރުމުން އުފައްދާ ޕާޓީން މިއަހަރު ބާއްވާ ރިޔާސީ އިންތިހާބަށް ކެންޑިޑޭޓަކު ނެރުމަށް ވެސް ވަނީ ހަމަޖެހިފަ އެވެ.