ގއ. ދާންދޫ ޕޮލިސް ސްޓޭޝަނުން ފިލި މީހާ ހޯދާ ހައްޔަރު ކޮށްފިއެވެ.
މަސްތުވާތަކެތީގެ މައްސަލައެއްގައި ގއ. ދާންދޫ ޕޮލިސް ސްޓޭޝަނަށް ހާޒިރުކޮށްފައި އިން މީހަކު ފިލާފައިވަނީ ރޭ 12:57 ހާއިރުއެވެ.
ފުލުހުން ބުނެފައިވަނީ އެމީހާ މިހާރު ހޯދާފައިވާ ކަމަށެވެ. އެމީހާއަކީ 49 އަހަރުގެ ދިވެހި ފިރިހެނެކެވެ. މައުލޫމާތު ލިބިފައިވާ ގޮތުގައި އެމީހާ ހޯދާފައިވަނީ އެރަށުގެ ހަރުގެއެއްގެ ތެރެއިންނެވެ.
މިފަހުން އއ. ރަސްދޫ ޕޮލިސް ސްޓޭޝަންގައި ހައްޔަރުކޮށްފައި ހުއްޓާވެސް މީހަކު ވަނީ ފިލާފައެވެ.