ފ. ނިލަންދޫ ފަޅު ހިއްކައިގެން ޓޫރިޒަމަށް ހާއްސަކޮށްގެން ދެ ރަށް ތަރައްގީ ކުރަން ނިންމަވާފައިވާ ކަމަށް ރައީސް އިބްރާހިމް މުޙައްމަދު ސޯލިހު މިއަދު ވިދާޅުވެއްޖެ އެވެ.
ފ. އަތޮޅަށް އެ މަނިކުފާނު މިއަދު ފެއްޓެވި ދަތުރުގެ ތެރެއިން ނިލަންދޫީ ރައްޔިތުންނާ އެކީ ބޭއްވި ބައްދަވުމެއްގައި ވިދާޅުވީ ރަށުގެ ތަރައްގީ އަށް ގިނަ ކަންތައްތަކެއް ކުރަން ސަރުކާރުން ނިންމާފައިވާ ކަމަށެވެ. އެގޮތުން ޒުވާނުންނަށް ވަޒީފާގެ ފުރުޞަތުތައް ފަހިކޮށް ދިނުމަށްޓަކައި ނިލަންދޫގެ ފަޅުން ދެ ރަށް ހިއްކައި ޓޫރިޒަމަށް ހުޅުވާލައްވާނެ ކަމަށް ރައީސް ވިދާޅުވި އެވެ.
President @ibusolih met with the residential community on F. Nilandhoo Island this morning and held an engaging discussion about ways to address their concerns and implement the administration’s developmental plans. pic.twitter.com/WTfT4Hckmh
— The President's Office (@presidencymv) May 27, 2023
"އަޅުގަނޑުމެން މިރަށުގެ ފަޅުގައި ދެ ރަށް ހިއްކައި ޓޫރިޒަމް ފުޅާކުރާނަން. އޭރުން ޒުވާނުންނަށް އާއިލާތަކާ އެކީ ރަށުގައި އުޅުމުގެ ފުރުސަތު ފަހިވެގެން ދާނެ." ރައީސް ވިދާޅުވި އެވެ.
— The President's Office (@presidencymv) May 27, 2023
ރައީސް ވިދާޅުވީ ނިލަންދޫ ރައްޔިތުން ބޭނުންވާ ގޮތަށް ރަށުގެ ބަނދަރު ވެސް ހަދަން މިހާރު ކޮންޓްރެކްޓްކޮށްފައިވާ ކަމަށެވެ. އަދި އެ މަޝްރޫއާ އެކީ ރަށްގިރުގެ މައްސަލަ ޙައްލުކުރުމަށް ކުރިއަށް ގެންދާ ގޮނޑުދޮށް ޙިމާޔަތްކުރުމުގެ މަޝްރޫއު ވެސް ކުރިއަށްދާ ނެ ކަމަށް ރައީސް ވިދާޅުވި އެވެ. މީގެ އިތުރުން ނިލަންދޫގެ ފެނުގެ ނިޒާމާއި އަތޮޅު ހޮސްޕިޓަލް އިތުރަށް ތަރައްގީރުމާއި ނިލަންދޫގައި ސަރަޙައްދީ ޕޮލިސް ސްޓޭޝަނެއް ވެސް ގާއިމު ކުރައްވާނެ ކަމަށް ރައީސް ވިދާޅުވި އެވެ.