ދެކުނު ކޮރެއާގެ އޭޝިއާނާ އެއާލައިންސްގެ އެއާބަސް އޭ321 ގެ މަރުކާރުގެ ބޯޓްތަކުން ކުރާ ދަތުރުތަކުގައި ޕެސެންޖަރުންނަށް ބޯޓްގެ އިމަޖެންސީ ދޮރުތަކާ ދިމާލުން ޓިކެޓް ނުވިއްކަން ނިންމައިފި އެވެ.
އެގޮތަށް ނިންމީ މީގެ މިދިޔަ ހުކުރު ދުވަހު އެ އާލައިންގެ ބޯޓެއް ވައިގެ ތެރޭގައި އުޅެނިކޮށް ޕެސެންޖަރަކު ދޮރު ހުޅުވި މައްސަލަ ފެންމަތިވެފައި ވަނިކޮށެވެ. އެ ހާދިސާއާ ގުޅިގެން ބޯޓް ދަތުރުކުރި އެތައް ބަޔަކަށް ބިރުގަނެ، އެކި ވަރުގެ ގެއްލުންތައް ލިބިގެން ހޮސްޕުޓަލްގައި ފަރުވާ ވެސް ދޭން ޖެހުނެވެ. ބޯޓްގެ އިމަޖެންސީ ދޮރު ހުޅުވި މީހާ މިހާރު ހުރީ ހައްޔަރުކޮށްފަ އެވެ.
Passenger opened a door of Asiana Airlines flight while in mid-air.https://t.co/5YAM2SmMGn pic.twitter.com/yeN9iCWkPa
— Domenico (@AvatarDomy) May 26, 2023
އޭޝިއާނާ އެއާލައިންސުން ބުނީ އެ އާލައިންގެ އެއާބަސް އޭ321 މަރުކާގެ ބޯޓްތަކުގެ އިމަޖެންސީ ދޮރާ ދިމާލުގައި ހުންނަ ސީޓްތަކަށް ޓިކެޓް ނުވިއްކަން ނިންމީ އެއާލައިނުން ދަތުރުކުރާ މީހުންގެ ސަލާމަތާއި ރައްކާތެރި ކަމަށް އެޅި ފިޔަވަޅެއްގެ ގޮތުން ކަމަށެވެ. އަދި އަބަދު ވެސް އެއާލައިންނަކީ ދަތުރުވެރިންގެ ރައްކާތެރި ކަމަށް ވަރަށް ބޮޑު އިސްކަމެއްދޭ އެއާލައިނެއް ކަމަށް ބުންޏެވެ.
މީގެ 34 އަހަރު ކުރިން ހިދުމަތަށް ނުކުތް އޭޝިއާނާ އެއާލައިންސަކީ ފްލީޓްފައި 77 ބޯޓް އޮންނަ އަދި ދުނިޔޭގެ 90 މަންޒިކަލަށް އުދުހޭ އެއާލައިނެނެވެ.