ސިނަމާލެ ބްރިޖުގައި ދުއްވާފައިދިޔަ ކާރެއްގައި އަލިފާން ރޯވެއްޖެއެވެ.
އެމްއެންޑީއެފްއިން ބުނެފައިވަނީ ސިނަމާލެ ބުރިޖުގައި ދުއްވާފައި ދިޔަ ކާރެއްގައި އަލިފާން ރޯވެފައިވާ ކަމުގެ މައުލޫމާތު މިއަދު 16:09 ހާއިރު ލިބިފައިވާ ކަމަށެވެ.
އަދި ރޯވި އަލިފާން އެމްއެންޑީއެފް ފަޔަރ އެންޑް ރެސްކިއު ސަރވިސްއިން 16:20 ގައި ނިއްވާލާފައިވާ ކަމަށްވެސް ބުނެފައިވެއެވެ.
މިހާދިސާގައި އެކާރުގެ ކުރީކޮޅަށް ވަނީ އެކިވަރުގެ ގެއްލުންތައް ލިބިފައެވެ. ސޯޝަލްމީޑިއާގައި ދައުރުވާ ވީޑިއޯތަކުން ފެންނަގޮތުން ކާރުގައި އޮތީ ވަރަށް ބޮޑަށް ރޯވެފައެވެ.