އައްޑޫގެ ޓޫރިޒަމް ދެ ޒޯނެއް އިއްޔެ ރަސްމީކޮށް އިފުތިތާހުކޮށްފި އެވެ.
ރައީސް އިބްރާހީމް މުހައްމަދު ސޯލިހު އިއްޔެ އައްޑު އަށް ފެއްޓެވި ދަތުރުގެ ހަވާސާގެ ތެރެއިން ފޭދު އާއި ހިތަދޫގެ ޓޫޒިޒަމް ޒޯން އިފުތިތާހުކޮށް ދެއްވީ ފޮރިން މިނިސްޓަރު އަބްދުﷲ ޝާހިދާއި އައްޑޫ މޭޔަރުގެ އިތުރުން އިންޑިއާގެ އެކްސްޓާނަލް އެފެއާޒް ސްޓޭޓް މިނިސްޓަރު ވީ. މުރަލީދަރަންގެ އިތުރުން ރާއްޖޭގައި ހުންނަވާ އިންޑިއާގެ ސަފީރު ސްރީ މުނޫ މަހާވަރަން އެވެ.
މި ބޭފުޅުން އިއްޔެ ހަވީރު އިފުތިތާހުކޮށް ދެއްވީ ހިތަދޫ ފަޅޯދަޑިފައްނު ޓޫރިޒަމް ޒޯނާއި ފޭދޫ ދިގިހެރަ ޓޫރިޒަމް ޒޯނެވެ.
އައްޑޫގައި ލޯކަލް ޓޫރިޒަމް ފުޅާކުރުމަށާއި އައްޑޫގެ ޓޫރިސްޓް އެނދު 8،000 އިތުރުކުރަން ކުރާ މަސައްކަތުގެ ތެރެއިން ކަމަށް ބުނެ އައްޑޫގައި ކައުންސިލުން ފަސް ޓޫރިޒަމް ޒޯނެއް 2020 ގައި ކަނޑައަޅާފައިވެ އެވެ. އެ ޒޯންތަކަކީ ހިތަދޫ "މާމެން ބީޗް ޓޫރިޒަމް ޒޯން" އާއި ހުޅުދޫ "ކޭވައް ބީޗް" މާފިށި ޓޫރިޒަމް ޒޯނާއި "ކޯގަންނު ބީޗް" މުލިމަތި ޓޫރިޒަމް ޒޯނާއި އަދި ފޭދޫ "ސަވާ ބީޗް" ދިގިހެރަ ޓޫރިޒަމް ޒޯނެވެ.
Delighted to inaugurate the Addu City Hithadhoo -“Falhoadhandifannu” Tourism Zone with @MOS_MEA Muraleedharan, State Minister Ahmed Khaleel and Mayor of Addu City.
The project was developed under the High Impact Community Development Projects grant scheme of #India.
This is an… pic.twitter.com/kEPgouzm1Z
— Abdulla Shahid (@abdulla_shahid) June 3, 2023
މި ޒޯންތަކުން 98 ބިމެއް އެކި ފަހަރު މަތިން އެކި ފަރާތްތަކަށް ކުއްޔަށް ދިން ނަމަވެސް އެއްވެސް ޒޯނެއްގައި މިހާތަނަށް ޓޫރިސްޓް ފެސިލިޓީއެއް ހެދިފައެއް ނެތެވެ.
Also inaugurated Addu City Feydhoo -“Dhigihera” Tourism Zone with @MOS_MEA Muraleedharan today.
This is also a project developed under the High Impact Community Development Projects grant scheme of #India.
I am confident that these zones will contribute to achieving the dream… pic.twitter.com/fMU6gMaWTF
— Abdulla Shahid (@abdulla_shahid) June 3, 2023
ނަމަވެސް މިދިޔަ އަހަރުގެ ނޮވެމްބަރު މަހުގެ ތެރޭގައި ކައުންސިލުން ބޭއްވި ޓޫރިޒަމް ފޯރަމްގައި އިކޮނޮމިކް މިނިސްޓަރު ފައްޔާޒް އިސްމާއީލް ވިދާޅުވެފައި ވަނީ ޓޫރިޒަމް ޒޯންތަކުން ބިން ލިބުނު ފަރާތްތަކަށް އެ ތަންތަނުގައި ޓޫރިސްޓް ފެސިލިޓީތައް ހަދަން ފައިސާ ސަރުކާރުގެ 100 ޕަސެންޓް ހިއްސާވާ މޯލްޑިވްސް ފަންޑް މެނޭޖްމަންޓް މެދުވެރިކޮށް ކަމަށާއި ފައިސާގެ ކަންކަން ހަމަޖެހިފައި ހުރި ކަމަށެވެ.
އިންޑިއާގެ ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓެއްގެ ގޮތުގައި ތަރައްޤީކުރެވުނު ހިތަދޫ ފަޅޯދަނޑިފަންނު ޓޫރިޒަމް ޒޯން އިފްތިތާހު ވެގެން ދިއުމަކީ އައްޑޫ ސިޓީއަކީ ރާއްޖޭގެ ދެކުނުގައި ކުރިއަރަމުން އަންނަ ޒަމާނީ އިގްތިސާދީ މަރުކަޒަކަށް ހެދުމަށް ސަރުކާރުން ކުރަމުންދާ…
— Abdulla Shahid (@abdulla_shahid) June 3, 2023
އިއްޔެ އައްޑޫ ބިން ހިއްކުމުގެ މަޝްރޫއު ރަސްމީކޮށް ފައްޓަވައި ދެއްވުމަށް ބޭއްވި ރަސްމިއްޔާތުގައި ރައީސް ވިދާޅުވީ އައްޑޫގައި މިހާރު ހިނގަމުން އަންނަ ތަފާތު އެކި މަޝްރޫއުތައް ނިމުމުން އައްޑޫގައި 7،000 ޓޫރިސްޓު އެނދު އޮޕަރޭޓްވާން ފަށާނެ ކަމަށެވެ.
އައްޑޫގެ ޓޫރިޒަމަށް މިހާރު ރަށްތަކަށް ވެސް ހިއްކަމުން އަންނަ އިރު، ހަންކެޑެ އިންޓަގްރޭޓް ޓޫރިޒަމަށް ހާއްސަކޮށްގެން ތަރައްގީކުރަން ޗައިނާގެ ކުންފުންޏަކާ މި އަހަރު ހަވާލުކޮށްފައިވެ އެވެ.