އިންޑިއާގެ އެހީގައި ރާއްޖޭގައި އިތުރު 10 މަޝްރޫއެއް ހިންގަން މިއަދު ސޮއިކޮށްފި އެވެ.
ފޮރިން މިނިސްޓްރީގައި ބޭއްވި ރަސްމިއްޔާތެއްގައި ރާއްޖޭގެ ފަރާތުން އެއްބަސްވުންތަކުގައި ސޮއިކުރީ ފޮރިން މިނިސްޓަރު އަބްދުﷲ ޝާހިދެވެ. އަދި އިންޑިއާގެ ފަރާތުން ސޮއިކުރެއްވީ އިއްޔެ ރާއްޖެ ވަޑައިގެންނެވި އެ ގައުމުގެ އެކްސްޓާނަލް އެފެއާޒް މިނިސްޓްރީގެ ސްޓޭޓް މިނިސްޓަރު ވީ. މުރަވީދަރަން އެވެ.
#Maldives and #India adds new dimensions to the historic ties by exchanging 10 agreements under the High Impact Community Development Projects Scheme Phase II. pic.twitter.com/4y3pZgtmRe
— Ministry of Foreign Affairs 🇲🇻 (@MoFAmv) June 4, 2023
މިއަދު ސޮއިކުރި ވުނު މަޝްރޫޢުތަކުގެ ތެރޭގައި މާލޭގައި އާޓް ސެންޓަރެއް ޤާއިމުކުރުމާއި، ޅ. ހިންނަވަރު ކައުންސިލްގެ އައު އިދާރީ އޮފީސް ތަރައްޤީކުރުމާއި، ލ. އަތޮޅު ތަޢުލީމީ މަރުކަޒުގައި ސްކޫލް ޑިޖިޓަލައިޒޭޝަން ޕްރޮގްރާމް ހިންގުމާއި ގދ. ތިނަދޫ ޑރ. ޢަބްދުއްޞަމަދު މެމޯރިއަލް ހޮސްޕިޓަލުގައި ނަފްސާނީ ބަލިތަކަށް ޚާއްސަ ޔުނިޓެއް ޤާއިމުކުރުމާއި، ނ. ކެނދިކުޅުދޫ، ލ. ގަން، ކުޅުދުއްފުއްޓާއި ފުވައްމުލަކުގެ ހަތަރު ސްކޫލަކަށް ސްކޫލް ބަސް ފޯރުކޮށްދިނުމާއި، ށ. މިލަންދޫގައި ދުވާ ޓްރެކެއް ތަރައްޤީކުރުން ހިމެނެ އެވެ.
Adding new dimensions to historic ties!
Today, we inked ten new projects to be conducted under the High Impact Community Development Projects grant assistance scheme. pic.twitter.com/qJyGp7cknG
— Abdulla Shahid (@abdulla_shahid) June 4, 2023
އަދި އައްޑޫ ހިތަދޫ ދެ ސަރަޙައްދަކާއި ގދ. ވާދު އާއި ހއ. ދިއްދޫގައި އައުޓް-ޑޯ ޖިމް ޤާއިމުކުރުން ވެސް ހިމެނެ އެވެ.
މި ހުރިހާ މަޝްރޫޢުތަކަކީ ވެސް "ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓްސް" ގެ ދަށުން އިންޑިއާ ސަރުކާރުން އިތުރުކޮށް ދިން 100 މިލިއަން ރުފިޔާގެ ގްރާންޓުގެ ތެރެއިން ހިންގާ މަޝްރޫޢުތަކެކެވެ.
މިއަދުގެ ރަސްމިއްޔާތުގައި އިންޑިއާ ސަރުކާރުގެ ފަރާތުން ހެލްތު މިނިސްޓްރީއަށް އެންޓި ޓީބީ މެޑިސިން ވެސް ވަނީ ހަދިޔާކުރި އެވެ.