ޓްވިޓާގެ ހިންގުން ހަރުދަނާ ކުރަން މިހާރު ކުރަމުން އަންނަ މަސައްކަތުގެ ތެރެއިން އޭގެ ބިޒްނެސް އޮޕަރޭޝަނާ އާ މީހަކު މިއަދު ހަވާލުވެވަޑައިގެންފި އެވެ.
މަހުޖަނު އީލޮން މަސްކްގެ ޓްވިޓާގެ ބިޒްނެސް އޮޕަރޭޝަންގެ ހެޑެއްގެ ގޮތުގައި މަސައްކަތްކުރައްވަން ފެއްޓެވީ އެންބީސީ ޔުނިވާސަލްގެ އެގްޒެކެޓިވެއްގެ މަގާމުގައި ކުރިން ހުންނެވި ޖޯ ބެނަރޮޝް އެވެ.
Thank you @lindayacc! I am looking forward to partnering with the entire team and the industry to build @Twitter 2.0 together! Let’s make history! https://t.co/uHJfE08Z5L
— Joe Benarroch (@benarroch_joe) June 4, 2023
ފާހަގަށްލެވޭ ކަމަކީ މިދިޔަ މަހު ޓްވިޓާގެ އާ ސީއީއޯއަކަށް ވެސް ހަމަޖެއްސީ ކުރިން އެންސީބީ ޔުނިވާސަލްގެ އިސްވެރިއެއްކަމެވެ. އެއީ އެ ކުންފުނީގެ އެޑްވަައިޒިން ހެޑްގެ މަގާމުގައި ހުންނެވި ލިންޑާ ޔަކަރީނޯ އެވެ. އޭނަ އަދި ރަސްމީކޮށް މަގާމާ ހަވާލުވެވަޑައިއެއްނުގަންނަވަ އެވެ.
ޓްވިޓާއާ ގުޅިވަޑައިގަތިމުން ލިންޑާ މަރުހަބާ ވިދާޅުވެ ކުރެއްވި ޓްވީޓްގެ ރައްދުގައި ޖޯ ވަނީ ލިބިވަޑައިގަތް ފުރުސަތަށްޓަކައި ޝުކުރު އަދާކުރައްވައިފަ އެވެ. އަދި ޓްވިޓާގެ ޓީމާ އެކީ ޓްވިޓާ ވަރުގަދަކުރުމުގެ މަސައްކަތުގައި ސާބިތުވެ ހުންނަވާ ކަމަށް ވިދާޅުވި އެވެ.
އީލޮން ޓްވިޓާ ބައްލަވައިގަތީ 44 ބިލިއަން ޑޮލަރަށް މިދިޔަ އަހަރުގެ އޮކްޓޯބަރު މަހުގަ އެވެ.