ރާއްޖޭގެ ސަޤާފީ ސެންޓަރެއް ލަންކާގައި ޤާއިމް ކުރުމަށާއި، ސަޤާފީ އަދި ސިއްޙީ ދައިރާއިން ގުޅުން ބަދަހި ކުރުމުގެ އެއްބަސްވުމުގައި ދިވެހި ސަރުކާރާއި ލަންކާ ސަރުކާރާއި ދެމެދު އެއްބަސްވުމުގައި ސޮއިކޮށްފިއެވެ.
މި އެއްބަސްވުންތަކުގައި ސޮއިކޮށްފައިވަނީ ދިވެހިރާއްޖެއާއި ސްރީލަންކާއާއި ދެމެދު ބާއްވާ ހަތަރު ވަނަ ޖޮއިންޓް ކޮމިޝަން ބައްދަލުވުމުގެ ތެރެއިންނެވެ. މި ބައްދަލުވުމުގައި ފޮރިން މިނިސްޓަރ އަބްދުﷲ ޝާހިދު ހިމެނޭގޮތަށް ސަރުކާރުގެ އިސްވެރިންގެ ވަފްދެއް ލަންކާއަށް ވަނީ ގޮސްފައެވެ. މިއީ ދެޤައުމުގެ ދޭތެރޭ ބޭއްވޭ ހަރުދަނާ މަޝްވަރާ ތަކުގެ އަލީގައި ލަންކާއާ ރާއްޖެއާ ދެމެދު އޮތް ޒަމާންވީ ގާތް ރަޙްމަތްތެރި ގުޅުން ބަދަހި ކުރުމުގެ ގޮތުން ބާއްވާ ބައްދަލުވުމެއް ކަމަށް ދިވެހި ސަރުކާރުން ބުނެއެވެ.
މިއަދު ލަންކާ ފޮރިން މިނިސްޓްރީގައި ބޭއްވި ބައްދަލުވުގައި މި އެއްބަސްވުންތަކުގައި ސޮއިކޮށްފައިވަނީ ފޮރިން މިނިސްޓަރ އަބްދުﷲ ޝާހިދު އަދި ލަންކާގެ ފޮރިން މިނިސްޓަރ އެމް.ޔޫއެމް.އެމް އަލީ ސަބްރީގެ ހާޒިރުގައެވެ.
މިއަދު ސޮއިކުރެވުނު އެއްބަސްވުންތަކުގެ ތެރެއިން ލަންކާގައި ރާއްޖޭގެ ސަޤާފީ ސެންޓަރެއް ޤާއިމް ކުރުމުގެ އެއްބަސްވުމުގައި ސޮއިކޮށްފައިވަނީ ދިވެހި ރާއްޖެއިން ލަންކާއަށް ކަނޑައަޅުއްވާފައި ހުންނަވާ ސަފީރު އަލީ ފައިޒް އަދި ލަންކާގެ ސަޤާފީ ކަންކަމާއި ބެހޭ މިނިސްޓްރީގެ ސެކެރެޓަރީ ސޮމަރަތުނޭ ވިޑަނަޕަތި ރާނާއެވެ. މި އެއްބަސްވުމުގެ ދަށުން ދެ ޤައުމަށް ލިބޭ ފައިދާ އާއި ޘަގާފީ ދާއިރާއިން އެއްބާރުލުން އިތުރަށް ވަރުގަދަވެ ހޭލުންތެރިކަން އިތުރުވެގެންދާނެ ކަމަށާއި މި ސެންޓަރުގެ ސަބަބުން ދެ ޤައުމުގެ ދޭތެރޭގައި އޮތް ގުޅުން އިތުރު ހަރުފަތަކަށް ގެންދެވޭނެ ކަމަށް ސަރުކާރުން ބުނެއެވެ.
The signing of the MoU on cultural cooperation will provide the opportunity for both countries to cultivate and develop closer and stronger cultural relations between the #Maldivesand #SriLanka.
The MoU will also promote cooperation in the fields of heritage conservation,… pic.twitter.com/xfwhPPLQoF
— Abdulla Shahid (@abdulla_shahid) June 7, 2023
މިއަދު ދެން ސޮއިކުރެވުނީ ސިއްޙީ ދައިރާއިން ގުޅުން ބަދަހި ކުރުމުގެ އެއްބަސްވުމުގައެވެ. މި އެއްބަސްވުމުގައި ދިވެހި ރާއްޖޭގެ ފަރާތުން ސޮއިކޮށްފައިވަނީ ހެލްތު މިނިސްޓްރީގެ ޑެޕިއުޓީ މިނިސްޓަރ ޝަމާއު ޝަރީފް އަދި ލަންކާގެ ހެލްތު މިނިސްޓްރީގެ އެޑިޝަނަލް ސެކެޓަރީ ޑރ. އެކޭ ސުނިލް ބާނާޑް ޑި އަލްވިސްއެވެ. މި އެއްބަސްވުމުގެ ތެރެއިން ފެންވަރު ރަނގަޅު ސިއްޙީ ހިދުމަތެއް ފޯރުކޮށްދިނުމަށް ދެ ޤައުމު ގުޅިގެން މަސައްކަތް ކުރެވޭނެ ކަމަށް ސަރުކާރުން ބުނެއެވެ.
Signing of the MoU on health cooperation will contribute to enhanced #Maldives – #SriLanka collaboration in this field.
Providing quality healthcare services is a priority for the Government of the Maldives.@MoHmv @MDVinSriLanka pic.twitter.com/B5TDiyL4yx
— Abdulla Shahid (@abdulla_shahid) June 7, 2023
މި ބައްދަލުވުމުގެ ތެރެއިން ފަހު އެއްބަސްވުމަކަށް ސޮއިކުރެވިގެން ދިޔައީ، ލަންކާއާއި ދިވެހި ރާއްޖެ ދެމެދު ސަޤާފީ ގުޅުން ވަރުގަދަ ކުރުމުގެ އެއްބަސްވުމުގައެވެ. ރާއްޖޭގެ ފަރާތުން އެއްބަސްވުމުގައި ސޮއިކުރެއްވީ ކަލްޗަރ މިނިސްޓްރީގެ ސްޓޭޓް މިނިސްޓަރ މުހައްމަދު ތޯރިޤްއެވެ. ލަންކާގެ ފަރާތުން ސޮއިކުރެއްވީ ސަޤާފީ ކަންކަމާއި ބެހޭ މިނިސްޓްރީގެ ސެކެރެޓަރީ ސޮމަރަތުނޭ ވިޑަނަޕަތި ރާނާއެވެ. އެއްބަސްވުމުގެ ސަބަބުން ސަބަބުން ޘަގާފަތާއި އާދަކާދަ ހިމާޔަތްކޮށް ދެމެހެއްޓުމަށާއި އަދި އާރކިއޯލޮޖީގެ ދާއިރާއިންވެސް އިތުރަށް އެއްބާރުލުން ލިބިގެންދާނެ ކަމަށް ދިވެހި ސަރުކާރުން ބުނެއެވެ.
The signing of the MoU on cultural cooperation will provide the opportunity for both countries to cultivate and develop closer and stronger cultural relations between the #Maldivesand #SriLanka.
The MoU will also promote cooperation in the fields of heritage conservation,… pic.twitter.com/xfwhPPLQoF
— Abdulla Shahid (@abdulla_shahid) June 7, 2023
ރާއްޖޭގެ ސަރުކާރުގެ ވަފުދެއް މިވަގުތު ލައްކާއަށް ކުރައްވަމުން ގެންދަވާ ދަތުރުގައި، ފޮރިން މިނިސްޓަރ އަބްދުﷲ ޝާހިދު ވަނީ ލަންކާގެ ރައީސް ރަނިލް ވިކްރަމަސިންގްހާއި ވެސް ބައްދަލު ކުރައްވާފައެވެ. މި ބައްދަލުވުގައި ދެ ޤައުމުގެ ގުޅިގެން ކުރެވިދާނެ ކަންކަމާއި މެދުވަނީ މަޝްވަރާ ކޮށްފައެވެ.