ރޯމިން ރޭޓުން %90 އާއި ހަމައަށް ޑިސްކައުންޓް ލިބޭ ހައްޖު ސިމް އަދި ސައުދި އަރަބީއްޔާއަށް ހާއްސަ ރޭޓެއްގައި ގުޅާލެވޭ އައިއީޑީ ޕެކް އުރީދޫއިން ތަޢާރަފް ކޮށްފިއެވެ.
މިއީ ހައްޖުގެ އަޅުކަން އަދާކުރުމަށް މި އަހަރު ސައުދީ ޢަރަބިއްޔާއަށް ދަތުރުކުރާ ކަސްޓަމަރުންނަށް ފަސޭހަކަމާއެކު އާއިލާ އާއި ރައްޓެހިންނާއި ގުޅުވާލަދިނުމަށް އުރީދޫ ތަޢާރަފް ކޮށްފައިވާ އޮފާތަކެއް ކަމަށް އެކުންފުނިން ބުނެއެވެ. ހައްޖު ސިމް އަދި ސައުދީ އައިޑީޑީ ޕެކް މެދުވެރިކޮށް ހައްޖަށް ވަޑައިގަންނަވާ ފަރާތްތަކަށް އަދި ރައްޖޭގައި ތިއްބަވާ ބޭފުޅުންނަށްވެސް ރޯމިން ރޭޓުން 90 ޕަސެންޓް އާއި ހަމައަށް ޑިސްކައުންޓް ލިބޭނެ ކަމަށް އެކުންފުނިން ފާހަގަކުރެއެވެ.
ހައްޖުވެރިންނަށް ހާއްސަ ސިމް މެދުވެރިކޮށް ރޯމިން ރޭޓުން 90 ޕަސެންޓާ ހަމައަށް ޑިސްކައުންޓް ލިބޭއިރު، ކަސްޓަމަރުންނަށް ރޯމިންގް ވޮއިސް، ޑޭޓާ އަދި އެސްއެމްއެސް އެންމެ ހެޔޮ އަގުގައި ބޭނުން ކުރެވޭނެ ކަމަށް އުރީދޫއިން ބުނެއެވެ. އަދި ޕޯސްޓްޕެއިޑް ކަސްޓަމަރުންނަށް ލިބޭ މި ހާއްސަ ސިމް މިހާރު ގެންގުޅުއްވާ ސިމް ކާޑު ހައްޖު ސިމަކަށް ގްރޭޓާ މާލެ އުރީދޫ އެކްސްޕީރިއަންސް ސެންޓަރު ތަކުން އަޕްގްރޭޑް ކުރެވޭނެ ކަމަށްވެސް އެކުންފުނިން ހާމަކުރެއވެެ.
✨ Ooredoo Hajj SIM aai eku Voice, Data adhi SMS roaming ratethakun mihaaru 90% aai hama ah discount!
Dhathuru mathee aailaa aai rattehinnai gulhun badhahi kollan mihaaru gengulhuvvaa number badhal nukoh gulhaaleveyne. ✈😍
Sim nengevumah, Greater Male' Ooredoo Experience… pic.twitter.com/pcfwY4dBSs
— Ooredoo Maldives (@OoredooMaldives) June 8, 2023
މި ސިމްތަކަށް ރޯމިން ޑޭޓާ ސާވިސް އުރީދޫ ސެލްފް ކެއަރ ޕޯޓަލް ނުވަތަ އެކްސްޕީރިއަންސް ސެންޓަރ މެދުވެރިކޮށް އެކްޓިވޭޓް ކޮށްލެވޭނެއެވެ. އަދި 6#*929* އަށް ގުޅައިގެންވެސް ޚިދުމަތް އެކްޓިވޭޓް ކުރެވޭނެ ކަމަށް އުރީދޫއިން ބުނެއެވެ. ހައްޖު ސިމް އެކްޓިވޭޓް ކުރުމަށްފަހު ޕްރީޕެއިޑް ޕްލޭނަކަށް ނުވަތަ ބިލް ކޮންޓްރޯލް ޕޯސްޓްޕެއިޑްއަކަށް، ނުވަތަ އާދައިގެ ސިމް ކާޑަކަށް ފަސޭހައިން ބަދަލު ކުރެވޭނެ ކަމަށްވެސް އެކުންފުނިން ފާހަގަކުރެއެވެ. އަދި ދަތުރުކުރުމުގެ ކުރިން ސިމް އެޕްލިކޭޝަން ސެޓިން "އޮޓޮމެޓިކް" އަށް ސެޓްކޮށްލުމުން ކަސްޓަމަރުންނަށް ފަސޭހަކަމާއެކު ސައުދީ އަރަބިއްޔާގައި ރޯމިންގެ ހިދުމަތް ބޭނުންކުރެވޭނެ ކަމަށް އުރީދޫން ފާހަގަކުރެއެވެ.
އުރީދޫން މިފަހަރުގެ ހައްޖާއި ދިމާކޮށް ތައާރަފްކޮށްފައިވާ ސައުދީ އައިޑީ ޕެކް މެދުވެރިކޮށް ރާއްޖޭގައި ތިއްބަވާ ހައްޖުވެރިންގެ އާއިލާ އާއި ރައްޓެހިންނަށް އެންމެ 150 ރުފިޔާއަށް 100 ސައުދީ އައިޑީޑީ މިނެޓާއި 1 ޖީބީ ސޯޝަލް ޑޭޓާ (ވައިބާ، ވަޓްސްއެޕް، އައިއެމްއޯ) ލިބޭނެއެވެ. ޕޯސްޓްޕެއިޑް އަދި ޕްރީޕެއިޑް ކަސްޓަމަރުންނަށް ވެސް ބައްލަވައިގަނެވޭ މި ޕެކް އެކްޓިވޭޓް ކުރެއްވުމަށް އުރީދޫ އެޕް މެދުވެރިކޮށް ނުވަތަ "D150" ޖެއްސެވުމަށް ފަހު 1111 އަށް އެސްއެމްއެސް ކުރުމަށް އުރީދޫން އެދެއެވެ.
ހައްޖު މަހާއި ދިމާކޮށް ތަފާތު ގިނަ އޮފާތަކެއް އަބަދުވެސް ތަޢާރަފްކުރާ އުރީދޫއިން ޤަބޫލު ކުރާ ގޮތުގައި މިފަހަރު ތައާރަފް ކުރެވުނު އޮފާތަކާއި އެކު ދަތުރުވެރިންނާއި އާއިލާއަށް ހެޔޮއަގެއްގައި ފަސޭހަކަމާއި އެކު ގުޅާލެވޭނެއެވެ.