ރައްޔިތުންގެ މަޖިލީހުގެ ރައީސް މުހައްމަދު ނަޝީދު މަޖިލިސް ހުއްޓިވައިގެން އަނެއްކާ ވެސް ސަލާމަތްނުވާ ހިސާބަށް ވަޑައިގަންނަވާ ކަމަށާއި އެހެންވެ އެ މަނިކުފާނު ޗާޓަށް ރުޖޫއަވެވަޑައިގަތުމަށް އައްޑޫ މީދޫ ދާއިރާގެ މެމްބަރު ރޮޒައިނާ އާދަމް (ރޮޒޭ) ގޮވާލައްވައިފި އެވެ.
ނަޝީދުގެ އަމަލުތަށް އެންމެ ބޮޑަށް ފާޑުވިދާޅުވާ މެމްބަރު މިއަދު ކުރެއްވި ޓްވީޓެއްގައި ވަނީ ނަޝީދުގެ ވެރިކަމުގެ ކްރިނިމަލް ކޯޓްގެ ގާޒީ އަބްދުﷲ މުހައްމަދު (އަބްދުﷲ ގާޒީ) ގެ މައްސަލައިގައި ކަންތައްތައް ކުރެއްވި ގޮތް ތަކުރާރުކުރައްވަން އުޅުއްވާ ކަމަށް ވިދާޅުވެފަ އެވެ.
Abdhulla Ghaazee massalaiga ves salaamainuvaa hisaabah RNasheed amillafulhah vadaigathy
Miadhuves mi fennany majlis gavaidha khilaafah committee thah huttuva, majlis masakkai huttey hisaabah gengos, anekkaa ves salaamainuva hisaabah dhaathan! Chartah anbura rujooavumah govaalan!— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 (@Roxeyna) June 9, 2023
"މިއަދު ވެސް މި ފެންނަނީ ގަވާއިދާ ހިލާފަށް މަޖިލީހުގެ ކޮމިޓީތައް ހުއްޓުވައި މަޖިލީހުގެ މަސައްކަތް ހުއްޓޭ ހިސާބަށް ގެންގޮސް އަމިއްލަ އަށް ސަލާމަތް ނުވާ ހިސާބަށްދާ ތަން،" ރޮޒޭ ވިދާޅުވި އެވެ. "ޗާޓަށް އަނބުރާ ރުޖޫއަށްވުމަށް ގޮވާލަން."
"ދަ ޑިމޮކްރެޓްސް" ގެ ނަމުގައި ނަޝީދު އިސްކޮށް ހުންނަވައިގެން ޕާޓީއެއް ރަޖިސްޓްރީކުރަން ހުށަހަޅާފައިވާ އިރު، ނަޝީދު މަޖިލީހުގެ ރައީސްކަމުން ވަކިކުރަން އެމްޑީޕީން އޮތީ 54 މެމްބަރުންގެ ސޮޔާ އެކީ ހުށަހަޅައިފަ އެވެ.