ޖޭޕީގެ ރިޔާސީ ޓިކެޓު އެ ޕާޓީގެ ލީޑަރު ޤާސިމް އިބްރާހިމަށް އެރުވުމުން އެމްޑީޕީގެ ރައީސް އަދި ކުރީގެ ރައީސް މުހައްމަދު ނަޝީދު، ޤާސިމަށް މަރުހަބާ ވިދާޅުވެއްޖެއެވެ.
ޤާސިމަށް މަރުހަބާ ދަންނަވާ ކުރެއްވި ޓްވީޓްގައި ރައީސް ނަޝީދު ވިދާޅުވީ މިނިވަން އިންސާފުވެރި އިންތިހާބަކަށް މަގުފަހި ކުރުމަކީ އެންމެންގެވެސް ވާޖިބެއް ކަމަށެވެ.
Jumhooree Party ge riyaasee candidate ge ticket libivadaigenevi Hon. Qasim Ibrahim ah marhaba. Minivan insaafveri inthikhaab akah magufahi kurumakee alhugadumen enmenge ves vaajibeh @qasimibrahim
— Mohamed Nasheed (@MohamedNasheed) June 10, 2023
ޤާސިމަށް ރައީސް ނަޝީދު މަރުހަބާ ދެންނެވިއިރު ރިޔާސީ އިންތިހާބަށް ދެ ބޭފުޅުން އެކުގައި މަސައްކަތްތަކެއް ކުރައްވާ މަޝްވަރާތަކެއްވެސް ކުރެއްވިއެވެ.
އެހެންނަމަވެސް ބަރުލަމާނީގެ ހުށަހެޅުން ރައީސް ނަޝީދުގެ ފަރާތުން ހުށަހެޅުއްވުމުން ޤާސިމްގެ ފަރާތުން އެ ހުށަހެޅުން ގަބޫލުނުކުރެއްވިކަމުގެ އަޑުތަކެއް ފެތުރުނެވެ. އަދި އެހިސާބުން ދެބޭފުޅުން އެކުގައި މަސައްކަތްކުރެއްވުން ނިމުމަކަށް އައިކަމަށްވެސް އަޑު ފެތުރުނެވެ. އޭގެފަހުން ރައިސް ނަޝީދަށް ތާއީދުކުރައްވާ ފަރާތްތަކުން ވަނީ ވަކި ސިޔާސީ ޕާޓީއެއް އުފެއްދާފައެވެ.