ރަށު ފަތުރުވެރިކަން ތަރައްޤީ ކުރަން ހުވަދޫ އަތޮޅުގެ ރަށްތަކުގައި ހުރި ގޮން ޖެހުންތައް އޮޅުން ފިލުވުމަށް ޓުއަރިޒަމް މިނިސްޓަރ ޑރ. އަބްދުﷲ މައުސޫމް ހުވަދު އަތޮޅު ދެކުނުބުރީގެ ރައްތަކަށް ޒިޔާރަތް ކުރައްވައިފިއެވެ.
ޓުއަރިޒަމް މިނިސްޓްރީގެ ޓީމަކާއި އަދި ފެނަކަ ކުންފުނީގެ މެނޭޖިންގް ޑިރެކްޓަރ އަހުމަދު ސައީދު މުހައްމަދާއި އެކު ހުވަދު އަތޮޅު ދެކުނުބުރީގެ ނަޑެއްލާ ފިޔަވާ ހުރިހާ ރަށަކަށް މިމަހުގެ 7 އިން 10 އަށް ވަނީ ޒިޔާރަތް ކޮށްފައެވެ. މި ޒިޔާރަތުގައި ރަށު ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމެޓީތަކާއި ބައްދަލުކޮށް އެ ރަށްތަކުގައި ރަށު ފަތުރުވެރިކަން ތަރައްްޤީ ކުރުމަށް ހުރި ގޮން ޖެހުންތައް ވަނީ އޮޅުން ފިލުވާފައެވެ.
@MoTmv Tourism Diversification team, FENAKA MD @myfoona & Atoll Council President @faihath visited G.Dh Rathafandhoo on 10th June. Team met Council President Mohamed Abdulla & members, WDC & entrepreneurs, discussed community-based tourism development & visited tourism sites. pic.twitter.com/puFXwS6RTu
— Ministry of Tourism (@MoTmv) June 12, 2023
ހުވަދު އަތޮޅު ދެކުނުބުރީގެ ރައްތަކުން މައިގަނޑު ތިން މައްސަލައެއް މިނިސްޓްރީގެ ޓީމާއި ވަނީ ހިއްސާކޮށްފައެވެ. ފުރަތަމަ މައްސަލައަކީ ހުވަދު އަތޮޅުގައި ބައިނަލްއަޤްވާމީ އެއާޕޯޓެއް ނެތުމުގެ މައްސަލައެވެ. ދެވަނަ މައްސަލައަކަށް ޑޮމެސްޓިކް ފްލައިޓުތަކުގެ ޙަރަދު ބޮޑުވުމާއި ފަތުރުވެރިން ގެންނަ ސާފު ބޯޑު ފަދަ ތަކެތި ނުއުފުލުމުގެ މައްސަލަ ވަނީ ފާހަގަ ކޮށްފައެވެ. މިއާއެކު މިފަދަ ތަކެތި ގެނައުމަށް ބޮޑު ޙަރަދެއް ކުރަން ޖެހޭކަން އެ ރަށްތަކުން ވަނީ ފާހަގަކޮށްފައެވެ. މީގެ އިތުރުން ރަށުގައި އުފައްދާ ތަކެތި ރިސޯޓުތަކަށް މާކެޓު ކުރަން ރަނގަޅު ގުޅުމެއް އުފެދިފައި ނެތުމުގެ ސަބަބުން އެފަދަ ކަންކަން ވެސް ކުރިއަށް ނުދާކަން މިރަށްތަކުން ވަނީ ފާހަގަކޮށްފައެވެ.
On June 9 @MoTmv Tourism Diversification team, FENAKA MD @myfoona & Atoll Council President @faihath visited G.Dh Gahdhoo . Team met Council VP Khadheeja Ahmed & Members, WDC & entrepreneurs to discuss tourism development. The team also toured tourism sites. pic.twitter.com/5ZkPye0P6f
— Ministry of Tourism (@MoTmv) June 11, 2023
ސަރުކާރުން މިއަހަރުގެ ނިޔަލަށް ކަނޑައަޅާފައިވާ ސްޓްރެޓީޖިކް އެކްޝަން ޕްލޭންގެ ދަށުން ލޯކަލް ޓުއަރިޒަމް ހަރުދަނާ ކުރުމަށް ގިނަ މަސައްކަތް ވަނީ ހިމަނާފައެވެ. މީގެ ތެރެއިން "ޓުއަރިޒަމް ޑައިވާސިފިކޭޝަން ލޯކަލައިޒޭޝަން" ޕްރޮޖެކްޓް އުފެދި އެކްޝަން ޕްލޭންގައި މިކަން ކުރުމަށް ލަނޑުދަނޑިތަކެއް ކަނޑައެޅި އެކަމަށް މަސައްކަތް ދަނީ ކުރެވެމުންނެވެ.
މިމަސައްކަތުގެ ދަށުން ރައްރަށުގައި ރަށު ފަތުރުވެރިކަން ތަރައްޤީ ކުރުމަށްޓަކައި ކައުންސިލްތަކުން އެދޭ ފަންނީ އެހީތެރިކަން ފޯރުކޮށްދިނުމާއި، ރަށުގެ ލޭންޑް ޔޫޒް ޕްލޭން އެކުލަވާލުމުގައި އެހީވެ ދިނުމާއި، ޒުވާނުންނާއި އަންހެނުން މިދާއިރާއަށް ނެރުމަށް ތަމްރީން ދިނުމަށް ހިންގަން ޖެހޭ ޕްރޮގްރާމްތައް މިނިސްޓްރީގެ ދަށުން ދަނީ ފެސިލިޓޭޓްކޮށްދެމުން ކަމަށް މިނިސްޓްރީން ބުނެއެވެ.