ފޮރިން މިނިސްޓަރު އަބްދުﷲ ޝާހިދު އެމެރިކާގެ ވެރިރަށް ވޮޝިންޓަންއަށް ވަޑައިގެންފިއެވެ.
މިނިސްޓަރު ޝާހިދު އެމެރިކާއަށް ވަޑައިގަތުމުން މަރުހަބާ ވިދާޅުވީ ރާއްޖެއިން އެމެރިކާއަށް ކަނޑައަޅުއްވާފައި ހުންނަވާ ސަފީރު އަބްދުލްޣަފޫރު މުހައްމަދެވެ.
މިނިސްޓަރު ޝާހިދުގެ ދަތުރުފުޅަކީ ވޮޝިންޓަންގައި ރާއްޖޭގެ އެމްބަސީ ހުޅުވުމަށް ކުރައްވާ ދަތުރުފުޅެކެވެ. އަދި މިދަތުރުފުޅުގެ ތެރެއިން މިނިސްޓަރު ޝާހިދު އެމެރިކާގެ ސެކްރެޓެރީ އޮފް ސްޓޭޓް އެންތަނީ ބްލިންކަންއާ ބައްދަލުުރެއްވުމަށްވެސް ވަނީ ހަމަޖެހިފައެވެ.
މިދަތުރުފުޅާ ގުޅިގެން މިނިސްޓަރު ޝާހިދު ވިދާޅުވީ މި ދަތުރުފުޅުގެ ތެރެއިން ދެގައުމުގެ ގުޅުން އިތުރަށް ބަދަހިކުރެވޭނެ ދާއިރާތަކުން މަޝްވަރާ ކުރެވޭނެ ކަމަށެވެ.
Delighted to be in Washington, D.C. to open the Embassy of #Maldives @MDVinUSA and to meet with @SecBlinken and other officials. This visit is an opportunity to further strengthen the friendship between our two countries and discuss key issues of mutual interest. Looking forward… pic.twitter.com/TcHcJx6yDC
— Abdulla Shahid (@abdulla_shahid) June 14, 2023
އެމެރިކާގައި ރާއްޖޭގެ އެމްބްސީއެއް އަލުން ހުޅުވަން މަސައްކަތްކުރައްވަމުން ގެންދަވާ ކަން ފޮރިން މިނިސްޓަރު ޝާހިދު އެންމެ ފުރަތަމަ ހާމަކުރެއްވީ 2022 ސެޕްޓެމްބަރު 18 ވަނަ ދުވަހުއެވެ.