ރާއްޖޭގެ ދަނޑުވެރިކަން ކުރިއަރުވައި ދަނޑުވެރިން އުފައްދާ ތަކެތި މާކެޓްކޮށްދޭން އެގްރޯނެޓުން ކުރާ މަސައްކަތްތަކަށް ހާއްސަކޮށްގެން ދެ ބޯޓް ބަންނަން ނިންމައި އެ މަސައްކަތް ބަޔަޔާ ހަވާލުކޮށްފި އެވެ.
ދަނޑުވެރިން އުފައްދާ ތަކެތި އުފުލަން ދެ އެގްރި ބޯޓް ބަންނަން އިއްޔެ ހަވާލުކޮށްފައި ވަނީ ފިކްސްއިން މެރިން ޕްރައިވެޓް ލިމިޓެޑާ އެވެ.
އެއްބަސްވުމުގެ ބަންނަން ނިންމާފައި ވަނީ 65 ފޫޓުގެ ބޯޓަކާއި 45 ފޫޓުގެ ބޯޓެކެވެ. މިއީ ޖަޕާނުގެ އެހީގައި ޔޫއެންޑީޕީގެ ޕީޑީއެސްއޭއީގެ ދަށުން ބަންނަ ބޯޓުތަކެކެވެ.
ޖަޕާންސަރުކާރުގެ އެހީގެދަށުން , ޔޫއެންޑީޕީގެ ޕީޑީއެސްއޭއީގެ ތެރެއިން މެރިންޕޮލިސްގެ އެހީތެރިކަމާއިއެކު ފަރުމާކޮށްފައިވާ "އެގްރިބޯޓު" ބަނުމަށް ފިކްސްއިންގ މެރިން ޕވޓ ލޓޑ އާއިއެކު އެއްބަސްވުމުގައި ސޮއިކުރުމުގެ ރަސްމިއްޔާތު @PoliceMv @MoFMRAmv pic.twitter.com/dsBdADM6x8
— AgroNat (@agronationalmv) June 19, 2023
އެގްރޯނެޓިން އެގްރި ބޯޓްތައް ޑިޒައިންކުރީ މެރިން ޕޮލިސްގެ ފަރާތުން ކަމަށެވެ. މިއަދި މިކަށް މަސައްކަތައް އިކޮނޮމިކް މިނިސްޓްރީ އާއި އެގްރިކަލްޗަރ މިނިސްޓްރީގެ އެހީތެރިކަން ލިބިފައިވެ އެވެ. އެގްރޯނެޓުން ބުނީ، އަލަށް ބަންނަން ނިންމި ބޯޓުތަކަކީ ދަނޑުވެރިންނާއި ކޮންސިއުމަރުން ގުޅުވައިދޭ ފައިދާހުރި އަދި ދެމެހެއްޓެނިވި ދަތުރުފަތުރުގެ ނިޒާމެއް ތައާރަފްކުރުމަށް ކުރަމުންދާ މަސައްކަތުގެ ފެށުމެއް ކަމަށެވެ.
މި ބޯޓުތަގައި ދަނޑުވެރިކަމުގެ ބާވަތްތައް ރައްކާކުރުމާއި، ސޯލާ ޕަވަޑް ކޯލްޑް/ޑްރައި ސްޓޯރޭޖް ފެސިލިޓީތަކާއި، ކްރޫއަށް ހާއްސަ ވޭ ކޮޓަރިތައް ވެސް ހިމެނޭނެ އެވެ. އަދި ބޯޓުތައް ޑިޒައިިންކޮށްފައި ވަނީ އިރުގެ ހަކަތައިން ކޯލްޑްސްޓޯރޭޖް ބޭނުން ކުރެވޭ ގޮތަށެވެ.