ގ.ދ ގައްދޫ އައު އައިސް ޕްލާންޓުގެ ޢަމަލީ މަސައްކަތް ފަށާފައިވާ ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޯޕަރޭޝަން، މިފްކޯއިން ހާމަކޮށްފިއެވެ.
މިފްކޯއިން ގައްދޫގައި ޤާއިމް ކުރަނީ މިހާރު އެރަށުގައި ހުރި 25 ޓަނުގެ އައިސް އުފެއްދޭ ޕްލޭންޓުގެ ބަދަލުގައި ސަރުކާރުން އަޅާ އައިސްޕްލާންޓެކެވެ. އެގޮތުން މިއީ 50 ޓަނުގެ އައިސް އުފެއްދޭ އަދި 100 މެޓްރިކް ޓަނުގެ މަސް ފިކޮށް ރައްކާކުރެވޭ ކޯލްޑް ސްޓޯރޭޖަކާއި އެކު ޤާއިމް ކުރާ ޕްލާންޓެކެވެ. މިފްކޯއިން މިއަދު ކުރި ޓްވީޓެއްގައި މިތަނުގެ ޢަމަލީ މަސައްކަތް ފަށާފައިވާކަމަށް ވަނީ ހާމަކޮށްފައެވެ. އެގޮތުން މިހާރު ފައުންޑޭޝަން މަސައްކަތް މިހާރު ކުރިއަށްދާކަމަށް އެކުންފުނިން ވަނީ ހާމަކޮށްފައެވެ.
The foundation work has started for our 50MT Ice Plant with 100MT Ice Storage at GDH. Gadhdhoo. Stay tuned for updates of our ongoing projects! #ProjectUpdate #ColdStorage #InProgress #TeamMIFCO #MIFCOCommunity #BuildingOpportunities #IslandDevelopment pic.twitter.com/by6rSZNMCD
— MIFCO (@mifcomv) June 20, 2023
ގައްދޫ އައިސް ޕްލާންޓަކީ ސަރުކާރުން ރާއްޖޭގެ އެކި ސަރަހައްދުގައި ޤާއިމް ކުރަން ނިންމާފައިވާ 12 އައިސްޕްލާންޓުގެ ތެރެއިން އެއް ޕްލާންޓެވެ. އެގޮތުން މިއަހަރުގެ ނިޔަލަށް 12 އައިސްޕްލާންޓެއްގެ މަސައްކަތް ނިންމުމަށް ސަރުކާރުން މަސައްކަތް ކުރަމުންދާއިރު، މި 12 އައިސްޕްލާންޓްގެ ތެރެއިން މ. މުލައް އައިސްޕްލާންޓާއި، ގއ. ގެމަނަފުށި ގދ. ގައްދޫ އައިސްޕްލާންޓަކީ 50 ޓަނުގެ އައިސްޕްލާންޓްތަކެކެވެ. އަދި ދެން ބާކީހުރި ހުރި އައިސްޕްލާންޓްތަކަކީވެސް 25 ޓަނުގެ އައިސްޕްލާންޓްތަކެއްކަމަށެވެ.
ރާއްޖޭގެ މަސްވެރިކަން ރަނގަޅު ދުވަސްވަރު މަސްވެރިންނަށް އައިސް ނުލިބުމަކީ މި ސިނާޢަތުގައި އަބަދުވެސް އޮންނަ ޝަކުވާއެކެވެ. މިޝަކުވާތަކަށް ހައްލެއް ހޯދުމަށް ރާއްޖޭގެ އެކި ސަރަހައްދުތަކުން އައިސް ލިބޭނެ އިންތިޒާމު ހަމަޖެއްސުމަށް ސަރުކާރުން ދަނީ މަސައްކަތް ކުރަމުންނެވެ.