ޗައިނާގެ ރައީސް ޝޯ ޖިންޕިން އަކީ ޑިކްޓޭޓަރެއްގެ ގޮތުގައި ސިފަކުރައްވައި އެމެރިކާގެ ރައީސް ޖޯ ބައިޑެން ފާޑު ވިދާޅުވެއްޖެ އެވެ.
ކެލިފޯނިއާގައި އިއްޔެ ބޭއްވި ކެމްޕޭން ފަންޑްރައިޒިން އިވެންޓެއްގައި ބައިޑެން ވިދާޅުވީ ޗައިނާ އަކީ އެމެރިކާ އަށް ވަރަށް ދުއްތުރާ ކުރާ ގައުމެއް ކަމަށާއި އެކަމަކު އެފަދަ ކަންކަމުގައި ޝީ ހުންނަވަނީ އެއްވެސް ކަމެއް އެނގިވަޑައިނުގަންނަވާ ކަމަށް ހެދިވަޑައިިގެން ކަމަށެވެ.
ބައިޑެން ވިދާޅުވީ މިދިޔަ ފެބްރުއަރީ މަހުގެ ތެރޭގައި އެމެރިކާ އަށް ޖާސޫސްކުރަން ޗައިނާގެ ބެލޫނެއް އެމެރިކާ ސަރަހައްދަށް އަރުވައި އެންމެ ފަހުން އެއަށް ހަމަލާދީ ވައްޓައިލުމުން ވެސް ޝީ ހުންނެވީ ވަރަށް މައުސޫމް ބޭފުކަށް ވެވަޑައިގެން ކަމަށެވެ. އަދި އެކަމާ ޝޯ ވަރަށް ކޯފާވެވަޑައިގެން އުޅުއްވި ކަމަށް ބައިޑެން ވިދާޅުވި އެވެ.
"ކަންކަން ކުރައްވާފައި އެނގިވަޑައިނުގަންނަވާ ކަމަށް ހެދުމަކީ ޑިކްޓޭޓަރުންގެ ސިފައެއް. މިހާތަނަށް ޗައިނާގެ ރައީސްގެ ފަރާތުން އަހަންނަށް ފާހަގަކުރެވުނު ކަމަކީ އެއީ. ބެލޫން ވައްޓާލި ހާދިސާއާ ގުޅިގެން ޝީ ވަރަށް ލަދުން ވެސް އުޅުއްވި." ބައިޑެން ވިދާޅުވި އެވެ.
Had a candid, substantive, and constructive conversation with People’s Republic of China President Xi Jinping in Beijing today. We discussed a range of important issues, including the need to manage our relationship responsibly. pic.twitter.com/Q8kuMm6kly
— Secretary Antony Blinken (@SecBlinken) June 19, 2023
އޭނަ ޗައިނާގެ ރައީސަށް ބަހުގެ ހަމަލާތަކެއް ދެއްވި އިރު، މި ހަފުތާގައި އެމެރިކާގެ ސްޓޭޓް ސެކްރެޓަރީ އެންތަނީ ބްލިންކެން ޗައިނާ އަށް ވަޑައިގެން ޝީއާ ބައްދަލުކުރައްވާފައި އެވެ. އަދި ދެ ގައުމުގެ މެދުގައި ހުރި ނުތަނަވަސްކަމާ ގުޅޭ ގޮތުން މަޝްވަރާކުރެއްވި އެވެ.
ބްލިންކެންގެ މި ދަތުރަކީ ކާމިޔާބު ދަތުރެއް ކަމަށް އެމެރިކާ އިން ބުނެފައިވެ އެވެ.