ބޮޑު ޗުއްޓީއާ އެކީ ވައިގެ މަގުން ދަތުރުކުރާ މީހުން އިތުރުވުމާ ގުޅިގެން ރާއްޖޭގެ މައި އެއާޕޯޓް، ވެލާނާ އިންޓަނޭޝަނަލް އެއާޕޯޓް (ވީއައިއޭ) އިން ފުރާ މީހުން ތިން ގަޑިއިރު ކުރިން އެ އެއާޕޯޓަށް ދާން މޯލްޑިވްސް އެއާޕޯޓް ކޮމްޕެނީ ލިމިޓެޑް އެމްއޭސީއެލް) އިން އިލްތިމާސްކޮށްފި އެވެ.
އެތަނުން ކުރި ޓްވީޓެއްގައި ބުނީ ރާއްޖޭން ބޭރަށާއި އަތޮޅުތެރެއަށް ފުރާ މީހުންނާ އެކީ އެއާޕޯޓަށް ބާރު ބޮޑުވާތީ ރާއްޖެ އިން ބޭރަށް ފުރާ މީހުން ފުރުމުގެ ތިން ގަޑިއިރު ކުރިން އެއާޕޯޓަށް ދާން އިލްތިމާސްކުރާ ކަމަށެވެ. އަދި ހުރިހާ ފަސިންޖަރުން ވެސް "އިމުގާ" ޓްރެވަލް ޑިކްލަރޭޝަން ކުރީ ބަައިގައި ފުރިހަމަކުރުމަށާއި އޮޕަރޭޝަން ފަސޭހަކުރުމަށް ފަސިންޖަރުންގެ އެއްބާރުލުން ދިނުމަށް އެދިފައިވެ އެވެ.
During the holiday season, we urge all travelers to arrive @VelanaAirport 3 hours before departure to avoid long lines and possible delays. Also, for seamless operation, we recommend that all travelers complete the IMUGA form prior to check-in. Wish you a joyful holiday season! pic.twitter.com/PL3orWsqRo
— Maldives Airports Company Ltd – MACL (@MACLmedia) June 23, 2023
ބަންދާ ގުޅިގެން މާލެ އިން އަތޮޅު ތެރެއަށް ކުރާ ދަތުރުތައް ވެސް ވަރަށް ބޮޑަށް އިތުރުވެ، ގައުމީ އެއާލައިން މޯލްޑިވިނުން ފްލައިޓްތައް އިިތުރު ވެސްކޮށްފައިވެ އެވެ.
އެމްއޭސީއެލް އިން ބުނީ މި ޗުއްޓީ ތެރޭގައި ދުވާލަކު 2،500 އެއްހާ ފަސިންޖަރުން އެތެރޭގެ ދަތުރުތައް ކުރާނެ ކަމަށެވެ.