މަދީނާގައި ކިޔަވާ ދިވެހި ދަރިވަރުންނާ ނައިބުރައީސް ފައިސަލް ނަސީމް ބައްދަލުކުރައްވައިފިއެވެ.
ނައިބުރައީސް ފައިސަލް މަދީނާގައި ކިޔަވާ ދިވެހި ދަރިވަރުންނާ ބައްދަލުކުރައްވާފައި މިވަނީ މިއަހަރުގެ ހައްޖުގެ މަތިވެރި އަޅުކަން އަދާކުރެއްވުމަށް ސައުދީއަށް ކުރައްވަމުން ގެންދަވާ ދަތުރުފުޅުގެ ތެރެއިންނެވެ.
މި ބައްދަލުކުރެއްވުމުގައި މަދީނާގައި ކިޔަވާ ދިވެހި ދަރިވަރުންގެ ކިޔެވުމާ ގުޅުންހުރި ކަންކަމާ މަޝްވަރާ ކޮށްފައިވާކަމަށް ރައީސް އޮފީހުން މައުލުމާތުދެއެވެ.
Vice President @faisalnasym met with the Maldivian student community in Madinah, Saudi Arabia. The purpose of the meeting was to discuss matters related to their education. pic.twitter.com/ovhIbOz4y1
— The President's Office (@presidencymv) June 24, 2023
މިބައްދަލުކުރެއްވުމުގައި ނައިބުރައީސްގެ އިތުރުން އިސްލާމިކް މިނިސްޓަރު ޑރ. އަހުމަދު ޒާހިރާއި، ހެލްތު މިނިސްޓަރ އަހުމަދު ނަސީމް، ކިނބިދޫ ދާއިރާގެ މެންބަރު މުހައްމަދު ނާޝިޒް އަދި އައްޑޫމީދޫ ދާއިރާގެ މެންބަރު ރޮޒައިނާ އާދަމް ބައިވެރިވެވަޑައިގަތެވެ.
މިއަހަރު ރާއްޖޭގެ ހައްޖުވެރިންގެ އެންމެހައި ކަންތައްތައް ބެލެހެއްޓެވުމަށްޓަކައި އަމީރުލްހައްޖުގެ ގޮތުގައި ހަމަޖައްސަވާފައިވަނީ ނައިބުރައީސްއެވެ.