ކާށިދޫ ދާއިރާގެ މަޖިލިސް މެމްބަރު އަބްދުﷲ ޖާބިރު އެމްޑީޕީއާ ގުޅިވަޑައިގަތުމުން އެކަމުގެ ސަބަބުން އެ ޕާޓީ އަށް ވާނީ ގެއްލުން ކަމަށް ވިދާޅުވެ ޝެއިހް އަލީ ޒައިދު ނުރުހުން ފާޅުރައްވައިފިި އެވެ.
އޭނަ ކުރެއްވި ޓްވީޓެއްގައި ވިދާޅުވީ ފާސިގުންގެ ފަރާތުން ލިބޭނީ ގެއްލުމާއި ހަލާކު ކަމަށެވެ.
"އެއީ އެ [ކާށިދޫ ދާއިރާ] ދާއިރާއަށާއި މުޅި ގައުމަށް ވެސް ހުރި ހުތުރެއް. ކެސީނޯ އަށް ވަކާލާތުކުރާ މީހުންނަކީ މުޖުތަމަޢުގައި ފަސާދަ އުފައްދަން ބޭނުން މީހުން،" ޒައިދު ވިދާޅުވި އެވެ. "ﷲ ޙަރާމްކުރެއްވި ޖުވާ ނުފެތުރިގެން އުޅޭ މީހުންނަކީ ފާސިޤުން."
އެއީ އެ ދާއިރާއަށާއި މުޅި ގައުމަށްވެސް ހުރި ހުތުރެއް! ކެސީނޯއަށް ވަކާލާތުކުރާ މީހުންނަކީ މުޖުތަމަޢުގައި ފަސާދަ އުފައްދަން ބޭނުން މީހުން! ﷲ ޙަރާމްކުރެއްވި ޖުވާ ނުފެތުރިގެން އުޅޭ މީހުންނަކީ ފާސިޤުން! ފާސިގުން ގެފަރާތުން ލިބޭނީ ގެއްލުމާއި ހަލާކު!
— Ali Zaid (@alizaid1000) June 25, 2023
އެމްޑީޕީ އަށް މިއަދު ސޮއިކުރައްވައި ޖާބިރު ވިދާޅުވީ އެ ޕާޓީއާ ގުޅިވަޑައިގެންނެވީ ރައީސް އިބްރާހީމް މުހައްމަދު ސޯލިހަށް ވެރިކަމުގެ ދެވަނަ ދައުރެއް ހޯއްދަވައި ދެއްވަން ކަމަށެވެ.
“އަޅުގަނޑަށް 100 ޕަސެންޓް ޔަގީން މި އިންތިހާބު ކާމިޔާބުވާނެ ކަމަށް. އަޅުގަނޑުގެ ފުލް ކެޕޭސިޓީގައި މަސައްކަތް ކުރާނަން." އޭނަ ވިދާޅުވި އެވެ.