މިއަހަރު ބާއްވާ ރިޔާސީ އިންތިހާބު ރައީސް އިބްރާހިމް މުހައްމަދު ސޯލިހް ކާމިޔާބު ކުރައްވާނީ ހައްޖުވެރިންގެ ދުޢާއާ އެކު ކަމަށް ހޯމް މިނިސްޓަރު އަދި އަދާލަތު ޕާޓީގެ ރައީސް ޝޭޚް އިމްރާން އަބްދުﷲ ވިދާޅުވެއްޖެއެވެ.
އިމްރާން މިއަދު ކުރެއްވި ޓްވީޓެއްގައި ވިދާޅުވީ، މިއަދަކީ މާތްﷲ ގެ ހަޒުރަތުގައި ލޮބުވެތިކަން ބޮޑުވެގެންވާ ހައްޖާޖީން ހައްޖުގެ އަޅުކަން ފާށާ ދުވަސް ކަމަށެވެ.
ރިޔާސީ އިންތިހާބަށް އިޝާރާތް ކުރައްވާ އިމްރާން ވިދާޅުވީ އިމްރާންގެ އަދާލަތު ޕާޓީ ހިމެނިވަޑައިގަންނަވާ ރައީސް ސޯލިހްގެ ކޯލިޝަނުން މިއަހަރުގެ އިންތިހާބު ކާމިޔާބު ކުރާނީ ހައްޖަށް ވަޑައިގެންނެވި ހައްޖުވެރިންގެ ދުޢާތަކާ އެކު ކަމަށެވެ.
"މިއަހަރުގެ އިންތިހާބު އަޅުގަނޑުމެން އެއްބުރުން ކާމިޔާބު ކުރާނީ (އިންޝާﷲ) ހައްޖަށް ވަޑައިގެންވާ އަޅުގަނޑުމެންގެ ލޮބުވެތި އަޚުންނާ އުޚުތުންގެ މަތިވެރި ދުޢާތަކާ އެކުގައެވެ." އިމްރާން ވިދާޅުވިއެވެ.
Miadhakee Allah ge hazurathugai Lobuvethikan boduvegenvaa hajjaajeen hajjuge alhukan fashaiganna dhuvaheve.
Miaharuge inthikhaabu alhugadumen ehburun kaamiyaabu kuraanee (insha Allah)hajjah vadaigenvaa alhugadumenge lobuvethi akhunnaa ukhuthunge mathiveri Dhua thakaa ekuga eve.
— Imran Abdulla (@ShimranAb) June 26, 2023
ސެޕްޓެމްބަރު 9 ގައި ބާއްވާ މިއަހަރުގެ ރިޔާސީ އިންތިހާބަށް ރައީސް ސޯލިހާއެކު ކޯލިޝަން ހަދާފައިވަނީ އަދާލަތު ޕާޓީގެ އިތުރުން އަހުމަދު ސިޔާމް މުހައްމަދުގެ އެމްޑީއޭ އިންނެވެ.