މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އަކީ ވަކި އާއިލާއެއްގެ ތަރިކައެއް ނޫންކަމަށާއި އެމްޑީޕީ އަބަދުވެސް ދާނީ ކުރިއަށް ކަމަށް މާފަންނު ހުނޅަގު ދާއިރާގެ މެންބަރު މުހައްމަދު ފަލާހް ވިދާޅުވެއްޖެއެވެ.
ފަލާހް މިފަދައިން ވިދާޅުވެފައިވަނީ އެމްޑީޕީގެ އަހަރީ ދުވަސް ފާހަގަކުރުމުގެ ގޮތުން ކުރެއްވި ޓްވީޓެއްގައެވެ.
އެގޮތުން ފަލާހްގެ ޓްވީޓްގައި ވިދާޅުވީ އެމްޑީޕީއަކީ ވަކި އާއިލާއެއްގެ ތަރިކައެއް ނޫން ކަމަށާއި، އެމްޑީޕީއަކީ ވަކި މީހަކަށް ލެނބި ހުސްވެފައި އޮންނަ ޕާޓީއެއްވެސް ނޫން ކަމަށެވެ. އަދި އެމްޑީޕީ އަބަދުވެސް ދާނީ ކުރިއަށް ކަމަށް ވިދާޅުވިއެވެ.
MDP akee vaki aailaa ehge tharika eh noon, MDP akee vaki meehakah lenbi husvefa onnaane party eh ves noon. Mi party abadhuves dhaanee kuriyah. MDP ge 18 vana aharee dhuvahuge thahuniyaa emmehaa membarunnah ariskuran! #mdpkuriah #mdp2023 #ibu2023 @MDPSecretariat pic.twitter.com/2RNThH4RXY
— Mohamed Falah (@m_falaah) June 26, 2023
އެމްޑީޕީން އެޕާޓީގެ 18 ވަނަ އަހަރީ ދުވަސް ފާހަގަކުރަމުން އަންނައިރު، އެޕާޓީތެރޭގައި އުފެދުނު ހިޔާލުތަފާތުވުންތަކާ ގުޅިގެން އެޕާޓީއަށް ނިސްބަތްވާ ރައްޔިތުންގެ މަޖިލީހުގެ 15 މެންބަރަކު ވަނީ ޕާޓީން ވަކިވެފައެވެ. އޭގެތެރޭގައި އެޕާޓީގެ ރައީސް އަދި މަޖިލީހުގެ ރައީސް މުހައްމަދު ނަޝީދުވެސް ހިމެނިވަޑައިގަންނަވައެވެ. އޭގެއިތުރުން އެމްޑީޕީގެ ނައިބު ރައީސް މުހައްމަދު ޝިފާޒްވެސް ވަނީ އެ ޕާޓީން އިސްތިއުފާ ދެއްވާފައެވެ.
އަހަރީ ދުވަސް ފާހަގަކުރުމުގެ ގޮތުން ރައީސް އިބްރާހިމް މުހައްމަދު ސޯލިހަށް ތާއީދުކުރައްވާ ފަރާތްތަކުން އަންނަނީ ނުސީދާގޮތެއްގައި ރައީސް ނަޝީދާއި އެމަނިކުފާނަށް ތާއީދުކުރައްވާ ފަރާތްތަކަށް ފާޑުކިޔަމުންނެވެ.