ސަރުކާރުގެ "ބިންވެރިޔާ" ޕްރޮގްރާމްގެ ދަށުން އަދާލަތު ޕާޓީ އަށް ނިސްބަތްވާ ޑރ. މުހައްމަދު އިޔާޒުގެ އާއިލާ އަށް ވެސް މާލެ އިން ގޯތި ލިބުމާ ގުޅިގެން ކްރިމިނަލް ކޯޓްގެ ކުރީގެ އިސް ގާޒީ އަހުމަދު ހައިލަމް އެކަމަށް މަލާމާތްކުރައްވައިފި އެވެ.
ދާދި ފަހުން ޖުމްހޫރީ ޕާޓީއާ ގުޅިވަޑައިގަތް ހައިލަމް ކުރެއްވި ޓްވީޓެއްގައި ވިދާޅުވީ މާލެ އިން ގޯތި ލިބުނު ނިކަމެތި ރައްޔިތުންނަށް ވަރަށް ބޮޑަށް މަރުހަބާ ކަމަށާއި ހާއްސަކޮށް މާތް الله ތިން ގޯތި މިންވަރުކުރެއްވި ޑރ. އިޔާޒަށް މަރުހަބާ ދަންނަވާ ކަމަށެވެ.
މާލެއިން ގޯތި ލިބުނު ނިކަމެތި ރައްޔިތުންނަށް ވަރަށް ބޮޑަށް މަރުހަބާ.
ޚާއްޞަކޮށް މާތް الله 3 ގޯތި މިންވަރުކުރެއްވި ޑރ ޢިޔާޟަށް މަރުޙަބާ. @ACC_Maldives pic.twitter.com/X8sdYEua1z— Ahmed Hailam (@AhmedHailam) June 26, 2023
"ބިންވެރިޔާ" ޕްރޮގްރާމްގެ ދަށުން އިޔާޒްގެ ދެކަނބަލުންނަށާއި ދެ ދަރިއަކަށް ގޯތި ލިބިފައިވެ އެވެ.
ހައުސިން މިނިސްޓްރީން އިއްޔެ އާންމުކުރި "ގެދޮރުވެރިޔާ" ލިސްޓްގައިވާ ގޮތުން ދައްކާ ގޮތުގައި އިޔާޒްގެ އަނބިކަނބަލުން އައިޝަތު ޝާދިޔާ އާއި ދަރިކަލުން ހިޝްމާ މުހައްމަދު އިޔާޒް އަދި ދަރިކަނބަލުން ހިމްނާ މުހައްމަދު އިޔާޒް ހިމެނޭ ގޮތަށް ހުށަހެޅި ފޯމަށް ގޯތި ލިބިފައިވެ އެވެ.
އެ ފަރާތްތަކަށް ގޯތި ލިބުނީ ޖުމްލަ 70.02 ޕޮއިންޓް ލިބިގެންނެވެ.