އީދުގައި އިސްކަންދޭންވާނީ އަނެކުންގެ މަސްލަހަތާއި ހައްޤުތަކަށް އިހްތިރާމް ކުރުމަށް ކަމަށް ޖުމްހޫރީ ޕާޓީގެ ލީޑަރު ޤާސިމް އިބްރާހިމް ވިދާޅުވެއްޖެއެވެ.
އަޟްހާ އީދުގެ މުނާސަބާގައި ކުރެއްވި ޓްވީޓްގައި ޤާސިމް ވަނީ އީދުގެ ތަހުނިޔާ ދިވެހިރާއްޖޭގެ އެންމެހާ ލޮބުވެތި ރައްޔިތުންނަށާއި، ދުނިޔޭގެ އެކިކަންކޮޅުތަކުގައިވާ އެންމެހާ މުސްލިމުންނަށް އަރިސްކުރައްވާފައެވެ.
ޤާސިމް ވިދާޅުވީ މި މަތިވެރި އީދަކީ ދޭދޭ ގުޅުންތައް ބަދަހިކޮށް އާއިލާގެ މެދުގައި ކުލުނާ ލޯބި އިތުރުކޮށްދޭ މަތިވެރި ފުރުސަތެއް ކަމަށެވެ.
"މި އުފާވެރި ފުރުޞަތުގައި އަޅުގަނޑުމެން އިސްކަންދޭންވާނީ ތިމާގެ އަމިއްލަ ނަފުސަށް ހެޔޮއެދޭ ފަދައިން، އަނެކުންގެ މަޞްލަޙަތާއި ޙައްޤުތަކަށް އިޙްތިރާމް ކުރުމަށް." ޤާސިމް ވިދާޅުވިއެވެ.
އުފާވެެރި އަޟްހާ ޢީދުގެ ތަހްނިޔާ ދިވެހިރާއްޖޭގެ އެންމެހާ ލޮބުވެތި ރައްޔިތުންނަށާއި، ދުނިޔޭގެ އެކިކަންކޮޅުތަކުގައިވާ އެންމެހާ މުސްލިމުންނަށް އަރިސްކުރަން.
މި މަތިވެރި ޢީދަކީ ދޭދޭ ގުޅުންތައް ބަދަހިކޮށް ޢާއިލާގެ މެދުގައި ކުލުނާ ލޯބި އިތުރުކޮށްދޭ މަތިވެރި ފުރުޞަތެއް. މި އުފާވެރި… pic.twitter.com/i4HIeHstUw— Qasim Ibrahim (@qasimibrahim) June 28, 2023
މީގެއިތުރުން ޤާސިމް ވަނީ އީދުގެ އުފަލުގައި މުޖްތަމައުގެ އެންމެން ބައިވެރިކޮށް، އިސްލާމީ ރިވެތި އަޚްލާޤީ މިންގަނޑުގެ ތެރޭގައި އުފާ ފާޅުކުރުން ކުރިޔަށް ގެންދިއުމަށް ގޮވާލައްވާފައެވެ. އަދި އެންމެންގެ މެދުގައި ގުޅުންތައް ބަދަހިކޮށް އެއްބައިވަންތަކަން އާލާކުރުމަށްވެސް ގޮވާލައްވާފައިވެއެވެ.