އަލަށް އުފައްދަން ހުށަހަޅާފައިވާ ޕާޓީ ދަ ޑިމޮކްރެޓްސްގެ މެނިފެސްޓޯ ވޯކްޝޮޕެއް މިރޭ ފުވައްމުލަކުގައި ބާއްވަން ހަމަޖެހިއްޖެ އެވެ.
އެ ވޯކްޝޮޕް ކުރިއަށް ދާނީ މިރޭ 8:30 އިން ފެށިގެން ފުވައްމުލައް ސިޓީ ކައުންސިލްގެ ކުރުދުމާ މާލަންގަ އެވެ. މި ވޯކްޝޮޕްގައި ޑިމޮކްރެޓްސްގެ ފަރާތުން އިސްކޮށް ބައިވެރިވަޑައިގަންނަވާނީ މަޖިލީހުގެ ހުޅަނގު ހެންވޭރު ދާއިރާގެ މެމްބަރު ހަސަން ލަތީފެވެ.
މެނިފެސްޓޯ ވޯކްޝޮޕް
މިރޭ (ބުރާސްފަތި) 29 ޖޫން 2023
8:30
ފުވައްމުލައް ސިޓީ ކައުންސިލް
ކުރުދުމާ މާލަން
ޑިމޮކްރެޓުންނަށް ތާއީދުކުރައްވާ ހުރިހާ ބޭފުޅުންނަށް
ދައުވަތު އަރުވަން.@TheDemocratsMV #WeTheDemocrats pic.twitter.com/E8tHIUDtvx— Hassan Latheef🎈 (@HassanLatheef) June 29, 2023
ދަ ޑިމޮކްރެޓްސް އަކީ ކުރީގެ ރައީސް މުހައްމަދު ނަޝީދު އިސްކޮށް ހުންނަވައިގެން އުފައްދާ ޕާޓީއެކެވެ. އެ ޕާޓީ ރަޖިސްޓްރީކުރަން އިލެކްޝަން ކޮމިޝަން (އީސީ) އަށް ހުށަހެޅީ މިދިޔަ މަހުގެ 24 ގަ އެވެ. އީސީން މިހާރު ނިންމާފައި ޕާޓީ ރަޖިސްޓްރީކުރަން އަންނަ މަހުގެ 2 ގައި ހުއްދަ ދިނުމަށެވެ.
މި ޕާޓީން އަންނަނީ މެމްބަރުން ހޯދުމާއި މި އަހަރުގެ ރިޔާސީ އިންތިހާބުގެ މެނިފެސްޓޯއާ ގުޅޭ މަސައްކަތްތައް މިހާރު ކުރަމުންނެވެ. އަމާޒަކީ ސެޕްޓެމްބަރު 9 ގައި ބާއްވާ ރިޔާސީ އިންތިހާބަށް ކެންޑިޑޭޓަކު ނެރުމެވެ.