ރައްޔިތުންގެ މަޖިލީހުގެ ކަންކަމަށް ސަފައިންގެ އެހީ ހޯދުމަކީ ރައީސުލްޖުމްހޫރިއްޔާއާ ބެހޭ ކަމެއް ނޫން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިއަދު ހެނދުނު ކުރެއްވި ޓްވީޓެއްގައި ވިދާޅުވީ، މަޖިލީހުގެ ކަންކަމަށް ސިފައިންގެ އެހީތެރިކަމަށް އެދުމަކީ "ގާނޫނީ ގޮތުން" ރައީސް އިބްރާހިމް މުހައްމަދު ސޯލިހްއާ ބެހުމެއް އޮތް ކަމެއް ނޫންކަމަށެވެ.
މަޖިލީހަށް ސިފައިން ވެއްދުމާއި ނުވެއްދުމަކީ މަޖިލީހުގެ ރައީސްގެ އިޚްތިޔާރުގައި އޮންނަ ކަމެއް ކަމަށްވެސް ރައިސް ނަޝީދު ވިދާޅުވިއެވެ.
Majlis ge kankamah sifain ge eheetheri kamah edhumakee qanoonee gothun Raeesul Jumhooriya aai behumeh oiy kamehnoon. Majlis ah sifain vedhumaai nuvedhumakee Majlis ge Raees ge ikhthiyaaru gai onna kameh.
— Mohamed Nasheed (@MohamedNasheed) July 10, 2023
ރައީސް ނަޝީދު މިފަދައިން ޓްވީޓް ކުރެއްވި ސަބަބެއް ސާފެއް ނުވެއެވެ. އެހެންނަމަވެސް މިއަދު ހެނދުނަށް ވަނީ ރައްޔިތުންގެ މަޖިލީހުގެ ދައުރުން ބޭރުގައި ބާއްވާ ހާއްސަ ޖަލްސާއެއް އެޖެންޑާ ކޮށްފައެވެ.