އައްޑޫގައި އެއްލައްކަ ރުއް އިންދުމަށް އައްޑޫސިޓީ ކައުންސިލުން ކުރިއަށް ގެންދާ ޕްރޮގްރާމުގެ ދަށުން، މެލޭޝިއާއިން ގެނައި 50 ރުކެއް އައްޑޫ ނޭޗަރ ޕާކުގައި އިންދައިފިއެވެ.
މި ރުއްތައް އިންދާފައިވަނީ ވެށި ސާފު ޖަމީއްޔާއާއި، އައްޑޫސިޓީ ކައުންސިލް އަދި ހިތަދޫ އަވަށު އޮފީހުގެ އެހީތެރިކަމާއި އެކުގައެވެ. މި ރުއްތަކަކީ ޓްރައިލްއެއްގެ ގޮތުގައި އައްޑޫގައި ހެދޭތޯ ބެލުމަށް ގެނައި ރުއްތަކެއް ކަމަށް ވެށި ސާފު ޖަމީއްޔާއިން ބުނެއެވެ. މި 50 ރުއް އިންދާފައިވަނީ އައްޑޫ ނޭޗަރ ޕާކުގެ ސަރަހައްދުގައެވެ.
It was an immense pleasure to assist @adducitycouncil @addunaturepark and @hithadhooavashuoffice to plant in the Nature Park 50 coconut palm trees which were brought from Malaysia for a trial. We would be happy to lend a hand in times of need for any work. @veshisaafu pic.twitter.com/tpBRZRP39B
— Veshisaafu ( saving mother earth) (@veshisaafu) July 16, 2023
އައްޑޫގައި 100،000 ރުއް އިންދުމުގެ ޕްރޮގްރާމެއް ފަށާފައިވަނީ 2021 ވަނަ އަހަރު ޖޫން 05 ވަނަ ދުވަހުއެވެ. މިއީ އައްޑޫގެ ތިމާވެށި ރައްކާތެރިކޮށް އައްޑޫ ފެހި ކުރުމަށް ކައުންސިލުން ކުރިއަށް ގެންދާ މަސައްކަތުގެ ދަށުން ފަށާފައިވާ ޕްރޮގްރާމެކެވެ. މި ޕްރޮގްރާމުގެ ތެރެއިން އެކި ޖަމީއްޔާ ޖަމާޢަތްތަކާއި އެކު ރުއް އިންދުމުގެ އެކި ހަރަކާތްތައް ކުރިއަށް ގެންދެއެވެ.