ސިޔާސީ މަންފާއަށް ހަރުކަށި ފިކުރަށް ހިތްވަރު ދިނުމަކީ އޮތް ނުރައްކަލެއް ކަމަށް ޝޭޚް އިލްޔާސް ހުސައިން ވިދާޅުވެއްޖެއެވެ.
އަދާޅަތު ޕާޓީއަށް ނިސްބަތްވެވަޑައިގަންނަވާ އަދި ފަތުވާ މަޖިލީހުގައި ވެސް އިންނަވާ ޝޭހް އިލްޔާސް ކުރެއްވި ޓްވީޓެއްގައި ވިދާޅުވީ ފަހަކަށް އައިސް އަދާލަތު ޕާޓީ އާ ސަރުކާރާ ދެކޮޅަށް ހަރުކަށި ފިކުރުގެ ވިސްނުމުގެ ފަރުދުން އެބަ ކުރިއަށް ނެރޭ ކަމަށެވެ.
"ސިޔާސީ މަންފާއަށް ހަރުކަށި ފިކުރަށް ހިތްވަރު ދީ މުސްލިމުން ކާފަރުކުރަމުން ދިއުމަކީ ޤައުމަށް އޮތް ނުރައްކަލެއް." އިލްޔާސް ވިދާޅުވިއެވެ.
އިލްޔާސް ވަނީ މިފަދަކަންކަން ހުއްޓައިލުމަށް އެންމެހައި ފަރާތްތަކަށް އިލްތިމާސްކުރައްވާފައެވެ.
ފަހަކަށް އައިސް ޢަދާލަތު ޕާޓީ އާ ސަރުކާރާ ދެކޮޅަށް ތަކްފީރީ ވިސްނުންތަކުގެ ފަރުދުން އެބަ ކުރިއަށްނެރޭ. ސިޔާސީ މަންފާއަށް ހަރުކަށި ފިކުރަށް ހިތްވަރު ދީ މުސްލިމުން ކާފަރުކުރަމުން ދިއުމަކީ ޤައުމަށް އޮތް ނުރައްކަލެއް. މިކަން ހުއްޓައިލުމަށް އެންމެހައި ފަރާތްތަކަށް އިލްތިމާސްކުރަން.
— Ilyas Hussain (@shkilyas) July 19, 2023
ޝޭހް އިލްޔާސް މިފަދައިން ވިދާޅުވިއިރު، ހަރުކަށި ފިކުރާ ދެކޮޅަށް މި ސަރުކާރުން ވަނީ ގިނަ މަސައްކަތްތަކެއް ވެސް ކޮށްފައެވެ.