މި އަހަރުގެ މިނިވަން ދުވަސް ފާހަގަކުރަން އައްޑޫގައި ހިންގާ ހަރަކާތްތަކުގެ ތެރޭގައި ފްލޯޓްތަކެއް ދައްކައިލުމުގެ ހަރަކާތެއް ވެސް އޮންނާނެ ކަމަށް ކައުންސިލުން ބުނެފި އެވެ.
އެ ހަރަކާތް އޮންނާނީ މި މަހުގެ 27 ވަނަ ދުވަހުގެ ރޭ ހިތަދޫ ސިޓީ ސްކެއާގައި 9:30 ގަ އެވެ. އެ ހަރަކާތުގެ ކުރިން އެތަނުގައި އެރޭ ސްކޫލް ކުދިންގެ ހަރަކާތްތަކެއް ވެސް އޮންނާނެ އެވެ. އަދި 27 ވަނަ ދުވަހުގެ ރޭ 11:30 ގައި ސިޓީ ސްކެއާގައި ހަވާ އެރުން ވެސް އޮންނާނެ އެވެ.
މި މަހުގެ 26 ގައި ފާހަގަކުރާ މިނިވަން ދުވަހުގެ އައްޑޫ ހަރަކާތްތަކުގެ ތެރެއިން އެންމެ ފުރަތަމަ ކަމަކަށް އޮންނާނީ އެ ދުވަހުގެ ހެނދުނު 6:00 ގައި ސިޓީ ސްކެއާގައި ދިދަ ނެގުމެވެ. އަދި މިނިވަން ދުވަހުގެ ޖަލްސާ އެ ދުވަހުގެ ހެނދުނު 9:00 ގައި އައްޑޫ ހައި ސްކޫލްގައި އޮންނާނެ އެވެ.
ހޯމް މިނިސްޓްރީން ބުނެފައިވާ ގޮތުގައި މި އަހަރުގެ މިނިވަން ދުވަސް އެންމެ ފޯރި ގަދަކޮށް ފާހަގަކުރާ އެއް ސިޓީ އަކީ އައްޑު އެވެ.