ޓްވިޓާގެ ލޯގޯ ބަދަލުކުރަން ނިންމާފައިވާ ކަމަށް އެ ކުންފުނީގެ މިހާރުގެ ވެރިޔާ މަހުޖަނު އީލޮން މަސްކް ވިދާޅުވެއްޖެ އެވެ.
އޭނަ ކުރެއްވި ޓްވީޓްތަކެއްގައި ވިދާޅުވީ ކުންފުނި ރިބްރޭންޑްކުރުމުގެ ތެރެއިން މިހާރު ލޯގޯގެ ގޮތުގައި އިންނަ ދޫނި "އުދުއްސައިލަން" ބޭނުންވާ ކަމަށެވެ. އެހެންވެ މިހާރުން މިހާރަށް ވެސް ކަމުދާ ކަހަލަ އާ ލޯގޯއެއް ލިބިއްޖެ ނަމަ، އެ ލޯގޯ އަށް ބަދަލުވާން ބޭނުންވާ ކަމަށް ވިދާޅުވެ "އެކްސް" ހިމަނައި ޓްވީޓެއް ކުރައްވާފައިވެ އެވެ.
And soon we shall bid adieu to the twitter brand and, gradually, all the birds
— Elon Musk (@elonmusk) July 23, 2023
ޓްވިޓާގެ ލޯގޯ ބަދަލުކުރަން މަސައްކަތް ފެށި އިރު، މިދިޔަ އެޕްރީލް މަހުގެ ކުރީކޮޅު ވެސް ލޯގޯ އިން ދޫނި ނަގައި، ކްރިޕްޓޯކަރަންސީގެ ބާވަތެއް ކަމަށްވާ ޑޮޖްކޮއިން ރަމްޒުކޮށްދޭ "ޝިބާ އިނޫ" ކޮއިންގައި އިންނަ ކުއްތާގެ މޫނު ލޯގޯގެ ގޮތުގައި ވަގުތީ ގޮތުން އިރުތަކަކަށް ހިމެނި އެވެ.
If a good enough X logo is posted tonight, we’ll make go live worldwide tomorrow
— Elon Musk (@elonmusk) July 23, 2023
އޭރު ޓްވިޓާ އަށް އެ ލޯގޯ ގެނައީ ޑޮޖްކޮއިންގެ އަގު އިންފްލޭޓްކުރި ކަމަށް ބުނެ އީލޮންގެ މައްޗަށް ކުރި 258 ބިލިއަން ޑޮލަރުގެ ދައުވާގެ މައްސަލަ އިސްތިއުނާފު ކުރުމަށް ފަހު އެވެ.
— Elon Musk (@elonmusk) July 23, 2023
މިދިޔަ އަހަރުގެ އޮކްޓޯބަރު މަހު އޭނަ ޓްވިޓާ ބައްލަވައިގަތް ފަހުން އެއަށް ގެންނަވާ އެކިއެކި ބަދަލުތަކާ ހެދި، ޓްވިޓާ ބޭނުންކުރާ މީހުން ތިބީ ވަރަށް ބޮޑު ހިތްހަމަނުޖެހުންތަކެއްގެ ތެރޭގަ އެވެ. އީލޮން ޓްވިޓާ ބައްލަވައިގަތީ 44 ބިލިއަން ޑޮލަރަށެވެ.