މީގެ ހަތަރު އަހަރު ކުރިން އިސްލާމްވި އަޔަލޭންޑްގެ މަޝްހޫރު ލަވަކިޔުންތެރިޔާ ޝިނޭޑް އޯ ކޮނާ މަރުވެއްޖެ އެވެ.
އޭނަގެ އާއިލާއާ ހަވާލާދީ މީޑިއާތަކުން ބުނީ 56 އަހަރުގެ ފަންނާނު މަރުވީ އާއިލާގެ މީހުންގެ ގާތުގައި ކަމަށާއި އޭނަގެ ވަކިވެ ދިޔުމަކީ އާއިލާ އާއި ގާތް އެކުވެރިންނަށް ލިބުނު ވަރަށް ފުން ހިތާމައެއް ކަމަށެވެ. އެކަމަކު ޝިނޭޑްގެ މަރާ ގުޅޭ އިތުރު އެއްވެސް މައުލޫމާތެއް ހިއްސާކޮށްފައެއް ނުވެ އެވެ.
އޭނަގެ މަރާ ގުޅިގެން އަޔަލޭންގެ ރައީސާއި ބޮޑުވަޒީރުގެ އިތުރުން ވަރަށް ގިނަ އަދަދެއްގެ ފޭނުން ވެސް ސޯޝަލް މީޑިއާގައި ހިތާމަފާޅުކޮށްފައިވެ އެވެ.
World renowned singer Shuhada Davitt @MagdaDavitt77 (#SineadOConnor) has proclaimed the #Shahadah with me in #Ireland. She is so happy ! Masha Allah !#Ireland #Islam #SineadOConnorEmbracesIslam @SineadOconnorHQ pic.twitter.com/mBeHlcrgqW
— Shaykh Dr Umar Al-Qadri (@DrUmarAlQadri) October 25, 2018
ޝިނޭޑް އިސްލާމްވީ 2018 ގެ ފަހުކޮޅު އެވެ. އިސްލާމްވުމަށް އޭނަގެ ނަމަކީ ޝުހާދާ ސަދަގާތު އެވެ. ހަތަރު ކައިވެންޏެއްކޮށް، ހަތަރު ދަރިން ވެސް ލިބުނު ޝިނީޑް އިސްލާމްވި ނަމަވެސް އޭނަ ގެންދިޔައީ ކުރީގެ ނަމުގައި މިއުޒިކީ މަސައްކަތް ވެސް ކުރަމުންނެވެ.
ޝިނޭޑްގެ މިއުޒިކީ ކެރިއަރަށް ބަލާ އިރު މިހާތަނަށް 10 އަލްބަމް ނެރެފައިވެ އެވެ. އޭނަގެ އެންމެ ފަހުގެ އަލްބަމަކީ 2014 ގެ "އައި އޭމް ނޮޓް ބޮސީ، އައި އޭމް ދަ ބޮސް" އެވެ. ޝިނީޑްގެ ފުރަތަމަ އަލްބަމަކީ 1987 ގެ "ދަ ލަޔަން އެންޑް ދަ ކޯބްރާ" އެވެ. އޭނަގެ އެންމެ ހިޓް ލަވަތަކުގެ ތެރޭގައި 1990 ގެ "ނަތިން ކޮމްޕެސްއާ ޓު ޔޫ" ހިމެނެ އެވެ.
ދެހާސް އެކާވީހުގައި ޝިނޭޑްގެ ބައޯގްރަފީ "ރިމެމްބަރިންސް" ގެ ނަމުގައި ނެރެފައިވެ އެވެ.