މިނިވަން އުފާ ކާނިވާ ހުޅުވުން މިރޭ އޮންނާނެ ކަމަށް ހޯމް މިނިސްޓްރީން ހާމަކޮށްފިއެވެ.
ހޯމް މިނިސްޓްރީން ބުނެފައިވަނީ މިނިވަން އުފާ ކާނިވާ ހުޅުވުން މިރޭ 08:00 ގައި އޮންނާނެ ކަމަށެވެ. މި ކާނިވާ އޮންނާނީ ހުޅުމާލެ ސެންޓްރަލް ޕާރކްގައެވެ.
ހޯމް މިނިސްޓްރީން ބުނެފައިވަނީ ފުޅަނދުތައް ދައްކާލުން މިއަދު ހަވީރު 4:30 އިން 6:00 އަށް ސެންޓްރަލް ޕާރކްގައި ކުރިއަށްދާނެކަމަށެވެ.
🚨🚨މިނިވަން އުފާ ކާނިވާ ހުޅުވުން މިރޭ 08:00 ގައި. ކާނިވާ އޮންނާނީ ހުޅުމާލެ ސެންޓްރަލް ޕާރކްގައި. ފުޅަނދުތައް ދައްކާލުން މިއަދު ހަވީރު 4:30-6:00 އަށް ސެންޓްރަލް ޕާރކްގައި ކުރިއަށްދާނެ! pic.twitter.com/p8yGQmu6Jo
— Home Ministry, MV (@HomeMinistrymv) July 29, 2023
މިނިވަން އުފާ ކާނިވާ ފަސްކޮށްފައިވަނީ މިހާރު ފެތުރެމުންދާ ރޯގާއާއި ގުޅިގެން ހެލްތް ޕްރޮޓެކްޝަން އެޖެންސީގެ ލަފާގެ މަތިންނެވެ.
އެޗްޕީއޭއިން މިއަދު ބުނެފައިވަނީ މާލެ ސަރަހައްދުގައި މިވަގުތު ފެތުރެމުންދާ ހޮޑުލުމާއި ބޭރަށް ހިންގުމަކީ ނޯރޯވައިރަސްގެ ރޯގާއެއް ކަމަށެވެ. މިއީ ހަލުވިކަމާއެކު ފެތުރޭ ވައިރަސްއެއް ކަމަށާއި، ޚާއްސަކޮށް ބަންދު ތަންތަނުގައި ނުވަތަ ގިނަ މީހުން އެއްވެ ތިބޭ ތަންތަނުގައި ވަރަށް ފަސޭހައިން ފެތުރޭ ކަމަށް ފާހަގަކުރެވޭ ކަމަށެވެ.