ޖުމްހޫރީ ޕާޓީގެ ލީޑަރު ޤާސިމް އިބްރާހިމްގެ ސްޕެޝަލް އެޑްވައިޒަރުގެ މަގާމަށް އެޕާޓީގެ ކުރީގެ ރައީސް އަލީ ވަހީދު އައްޔަނު ކޮށްފިއެވެ.
ޤާސިމްގެ އެޑްވައިޒަރުގެ މަގާމުގައި ހުންނެވި އަހުމަދު ނިހާން ކުރެއްވި ޓްވީޓެއްގައި ވިދާޅުވީ، ޤާސިމްގެ ސްޕެޝަލް އެޑްވައިޒަރުންގެ މަގާމަށް އަލީ ވަހީދު، އިސްމާއިލް ސުޖާ އަދި އިބްރާހިމް ސުޖާ މިއަދު ހަމަޖައްސާފައިވާ ކަމަށެވެ.
Jumhooree party @JPSecretariat ge leader @qasimibrahim ge special advisor in ge gothugai miadhu Hon @ali20waheed aai Ismail Suja ( Channdhanee) adhi Ibrahim Suja, hamajassavaifi. Congratulations! pic.twitter.com/EgmIf3Au3u
— Ahmed Nihan (@ahmed_nihan) August 2, 2023
ޤާސިމް މިއަދު ޖޭޕީގެ ކައުންސިލްގެ މުހިންމު ބައްދަލުވުމެއްވެސް ބޭއްވުމަށް ވަނީ ނިންމާފައެވެ.
ރިޔާސީ އިންތިހާބުގައި ވާދަކުރައްވާ ޤާސިމްގެ ކެމްޕޭން ހަރަކާތްތައް އެކި ސަރަހައްދުތަކުގައި ކުރިއަށްގެންދާއިރު، ކޯލިޝަނެއް ހެދުމުގެ މަސައްކަތް ކުރެވެމުން އަންނަކަމަށް މައުލޫމާތު ވަނީ ލިބިފައެވެ.