ސްރީލަންކަންއިން ގަމަށް ދަތުރު ކުރާ ފަތުރުވެރިންނަށް އެއް ސާފް ބޯޑު ހިލޭ ގެންދޭވޭ ގޮތަށް އެ އެއާލައިނުން ހަދައިފިއެވެ.
މިކަން އިއުލާންކޮށްފައިވަނީ ސްރީލަންކަން އެއާލައިންސްއިން ރާއްޖެއަށް ކަނޑައަޅާފައި ހުންނަ ކަންޓްރީ މެނޭޖަރ ފައުޒާން ފަރީދުއެވެ. މިއީ ރާއްޖެއިން ދެކުނަށް ސާފު ކުރާ ފަރާތްތައް ގެނައުމަށް ނިންމާފައިވާ ނިންމުމެއް ކަމަށް އޭނަ ވިދާޅުވިއެވެ. އެގޮތުން ޔޫއެލްއިން ދަތުރު ކުރާ ކޮންމެ އެއާޕޯޓަކުން ގަމަށް އަންނަ ފަތުރުވެރިންނަށް، ސްރީލަންކަން ފްލައިޓުތަކުން އަންނަ ނަމަ، އެއް ސާފް ބޯޑު ހިލޭ ގެނެވޭނެއެވެ.
Thanks @flysrilankan team for this initiative. This will help #Maldives surf tourism especially in Southern Zone. https://t.co/4bBjRNCSwd
— Abdulla Mausoom (@Mausoom_Maus) August 2, 2023
ސްރީލަންކަންގެ މި ނިންމުމަށް ޓުއަރިޒަމް މިނިސްޓަރ އަބްދުﷲ މައުސޫމް ވަނީ މަރުހަބާ ދަންނަވާފައެވެ. އަދި މި ނިންމުމުގެ ސަބަބުން ދެކުނުގައި ސާފު ޓުއަރިޒަމް ކުރިއެރުވުމަށް މަގުފަހިވެގެން ދާނެ ކަމަށް ވިދާޅުވިއެވެ.
މިވަގުތު އައްޑޫސިޓީ ގަމަށް ޝެޑިއުލް ދަތުރުތަކެއް ކުރަމުންދަނީ ހަމައެކަނި ސްރީލަންކަން އެއާލައިންސްއިންނެވެ. އެ އެއާލައިނުން ކުރާ މިވަގުތު ހަފްތާއަކު ދެ ދުވަހު ގަމާއި ލަންކާއި ދެމެދު ދަތުރުތައް ބާއްވައެވެ. އަދި ކޮލަމްބޯ މަގުން ދުނިޔޭގެ ގިނަ ޤައުމުތަކާއި ސްރީލަންކަން ވަނީ ގުޅާލެވިފައެވެ.