ރިޔާސީ އިންތިހާބުގައި ވާދަނުކުރެއްވުމަށް ކުރީގެ ބަންޑާރަ ނައިބު ޑރ. މުހައްމަދު މުނައްވަރު ނިންމަވައިފިއެވެ.
ރިޔާސީ އިންތިހާބަށް އަމިއްލަ ގޮތުން ވާދަކުރައްވަން ނިންމަވާ ޑރ. މުނައްވަރު ސޮއި ހޯއްދެވުމަށްފަވެސް ފެއްޓެވިއެވެ.
އެހެންނަމަވެސް ޑރ. މުނައްވަރު މިއަދު ކުރެއްވި ޓްވީޓެއްގައި ވިދާޅުވީ މިއަހަރުގެ ރިޔާސީ އިންތިހާބުގައި ވާދަނުކުރެއްވުމަށް ނިންމަވާފައިވާ ކަމަށެވެ. މުނައްވަރު ވަނީ އޭނާއަށް ތާއީދުކުރައްވާ ތާއީދު ފޯމުގައި ސޮއި ކުރެއްވި ފަރާތްތަކަށާއިއެހީތެރިކަން ފޯރުކޮށްދެއްވި ފަރާތްތަކަށް ޝުކުރުވެސް އަދާކުރައްވާފައެވެ.
We have decided not to continue with my candidacy. I thank all those who supported me, encouraged me and gave their signatures. I also thank all those who assisted me in the preparatory work
— Mohamed Munavvar (@MMunavvar) August 7, 2023
މުނައްވަރު މިފަހުން އެންމެ ބޮޑަށް ފެނިގެން ދިޔައީ ދެކުނުގެ ކަނޑުން ބައެއް ގެއްލުނު މައްސަލައިގައި ސަރުކާރާއި ދެކޮޅަށް އަޑުއެފުއްލެވުމުގައި އުޅުއްވިތަނެވެ.
ރިޔާސީ އިންތިހާބަށް ކުރިމަތިލުމުގެ ފަހު ވަގުތަކީ މިއަދު މެންދުރު 02:00 އަށްވީއިރު، އިންތިހާބުގައި ވާދަކުރައްވާ ފަރާތްތަކުން އަންނަނީ ކެންޑިޑަސީ ހުށަހަޅުއްވަމުންނެވެ.