ރާއްޖެ ޓްރާންސްޕޯޓް ލިންކް (އާރްޓީއެލް)ގެ ފެރީ ޚިދުމަތް އައްޑޫގައި ފެށުމަށްޓަކައި ބާއްވާ މައުލޫމާތު ދިނުމުގެ ދެ ސެޝަނެއް މާދަމާ ބާއްވަން އެމްޓީސީސީން ނިންމައިފިއެވެ.
އެމްޓީސީސީން ބާއްވާ މައުލޫމާތު ދިނުމުގެ ސެޝަންތަކުގެ ތެރެއިން ފުރަތަމަ ދެ ސެޝަން އޮންނާނީ ހެނދުނު ގަމުގައި އަދި ހަވީރު ފޭދޫގައެވެ. މި ދެ އަވަށުގައި ވަކިން ކުރިއަށް ގެންދާ ސެޝަންތަކުގެ ތެރެއިން ގަމުގައި އޮންނަ ސެޝަން އޮންނާނީ، ގަން އެއާޕޯޓުގައެވެ. މި ސެޝަން ފެށުމަށް ހަމަޖެހިފައިވަނީ ހެނދުނު 9:00 ގައެވެ. ހަވީރު ފޭދޫ ސްކޫލުގައި ބާއްވާ ސެޝަން ފެށޭނީ ހަވީރު 4:00 ގައެވެ.
We are conducting an awareness session on our RTL Ferry service at Addu City, Feydhoo on 8th August 2023 at 16:30 pm. The session will be held at Feydhoo School. Kindly do visit us! #ConnectingRaajje #RTLFerry #RayyithungeKunfuni@AdduCityCouncil pic.twitter.com/XcViUixDSe
— MTCC Plc (@MTCCPlc) August 7, 2023
އާރްޓީއެލް ފެރީ ޚިދުމަތް އައްޑޫއަށް ފެށުމަށް ތައްޔާރުވަމުންދާއިރު، މިހާރު ޚިދުމަތް ފެށުމަށް ބޭނުންވާ އިންފްރާސްޓްރަކްޗަރ މަސައްކަތް ފެށިފައިވާ ކަމަށް އެމްޓީސީސީގެ ސީއީއޯ އާދަމް އާޒިމް ދާދި ފަހުން ވަނީ ވިދާޅުވެފަައެވެ. އެގޮތުން އަންނަ އަހަރު މުޅި ރާއްޖެއަށް ޚިދުމަތް ފުޅާ ކުރެވޭނެ ކަމަށް އޭނާ ވިދާޅުވިއެވެ.
އެމްޓީސީސީން މި ޚިދުމަތް މުޅި ރާއްޖެއަށް ފުޅާ ކުރުމުގެ މަސައްކަތް ކުރަމުންދާއިރު ދެކުނުގެ އައްޑޫ، ފުވައްމުލައް އަދި ހުވަދޫ މި އޯގަސްޓް މަހުގެ ތެރޭގައި ގުޅުވާލާނެ ކަމަށް ވަނީ ހާމަކޮށްފައެވެ.
We are conducting an awareness session on our RTL Ferry service at Addu City, Gan International Airport on 8th August 2023 at 9:00 am. Kindly do visit us! #ConnectingRaajje #RTLFerry #RayyithungeKunfuni@AdduCityCouncil @AirportsMV pic.twitter.com/atKpZX112e
— MTCC Plc (@MTCCPlc) August 7, 2023
މިވަގުތު އައްޑޫގައި އާރްޓީއެލް ޚިދުމަތް ފެށިފައި ނުވިނަމަވެސް، އެމްޓީސީސީގެ ބެލުމުގެ ދަށުން ހިތަދޫ އާއި ހުޅުމީދޫ، އަދި ފޭދޫ އާއި ހުޅުމީދޫ ދެމެދު ފެރީގެ ޚިދުމަތް ދެއެވެ. މިއީ ސަދަން ޓްރާންސްޕޯޓް ލިންކުގެ ދަށުން މީގެ ކުރިން އެމްޕީއެލްއިން ދިން ޚިދުމަތެވެ. ނަމަވެސް އެމްޓީސީސީއަށް އެމްޕީއެލްގެ ދަތުރުފަތުރުގެ މަސައްކަތް އެމްޓީސީސީގެ ދަށަށް ބަދަލު ކުރުމުން މިމަސައްކަތް މިހާރު ކުރަނީ އެކުންފުނިންނެވެ.