ހުޅުމާލެއިން ގެއްލިގެން ހޯދަމުންދިޔަ ކުޑަ ކުއްޖާ ފެނިފައިވާ ކަމަށް ފުލުހުން ބުނެފިއެވެ.
ހުޅުމާލެއިން ގެއްލިގެން ހޯދަމުން ދިޔައީ، އުމުރުން 12 އަހަރުގެ އަންހެން ކުއްޖެއެވެ. އެ ކުއްޖާ ގެއްލިގެން އާއިލާއިން ފުލުހުންނަށް ރިޕޯޓް ކޮށްފައިވަނީ އޮގަސްޓް 10 ވަނަ ދުވަހުގެ 00:58 އެހައިކަންހާއިރުއެވެ.
ފުލުހުން ބުނެފައިވަނީ މިއަދު 13:44 އެހައިކަންހާއިރު އެކުއްޖާ މާލެ އިން ފެނިފައިވާ ކަމަށެވެ. އަދި ކުއްޖާގެ ހާލު ރަނގަޅު ކަމަށް ފުލުހުން ބުނެފައިވެއެވެ.
މިއަދު 13:44 އެހައިކަންހާއިރު މާލެ އިން ކުއްޖާވަނީ ފެނިފައި. ކުއްޖާގެ ހާލު ރަނގަޅު. https://t.co/k8wJuz5ZpK
— Maldives Police (@PoliceMv) August 10, 2023
ކުއްޖާގެ ހާލު ރަނގަޅުު ކަމަށް ފުލުހުން ބުނެފައިވާއިރު، މިކަމާ ގުޅުންހުރި އިތުރު މައުލޫމާތެއް ފުލުހުން ހިއްސާކޮށްފައެއް ނުވެއެވެ.