Last Updated: August 15, 14:32
Friday, August 15, 2025
ޚަބަރު

ނަތީޖާ އިއުލާނު ކުރުމާ ހަމައަށް އިންތިހާބު އޮބްޒާވްކުރާނެ

ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް)ގެ އޮބްޒާވަރުން އިންތިހާބު އޮބްޒާވް ކުރަމުން ގެންދާކަމަށް އެ ކޮމިޝަނުން ބުނެފިއެވެ.

އެޗްއާރްސީއެމުން ބުނެފައިވަނީ ރިޔާސީ އިންތިހާބު އޮބްޒާވް ކުރުމަށް އެޗްއާރްސީއެމްގެ އޮބްޒާވަރުން ހަރަކާތްތެރިވަމުން އަންނަ ކަމަށެވެ. އަދި އިންތިހާބު ނިމި ވަގުތީ ނަތީޖާ އިއުލާންކުރުމާ ހަމަޔަށްވެސް ކޮމިޝަނުގެ އޮބްޒާވަރުން ވޯޓުލާ މަރުކަޒުތަކުގައި ހަރަކާތްތެރިވާނެ ކަމަށް އެ ކޮމިޝަނުން މައުލޫމާތުދެއެވެ.

އެޗްއާރްސީއެމްގެ އިތުރުން އީޔޫގެ ވަފުދަކުން ވެސް އަންނަނީ ރިޔާސީ އިންތިހާބު އޮބްޒާވް ކުރަމުންނެވެ. އެގޮތުން ރާއްޖޭގެ އެކި ސަރަހައްދުތަކުގައި އީޔޫގެ 40 އޮބްޒާވަރުން އަންނަނީ ހަރަކާތްތެރިވަމުންނެވެ.

ހެނދުނު 08:00 ގައި ވޯޓުލުން ފެށިފައިވާއިރު ހަވީރު 04:00 އާ ހަމައަށް ވޯޓުލުން ކުރިއަށްދާނެ ކަމަށް އިލެކްޝަންސް ކޮމިޝަނުން މައުލޫމާތުދެއެވެ. މިއަހަރުގެ އިންތިހާބުގައި ޖުމުލަ 282،395 މީހުންނަަށް ވޯޓުލުމުގެ ހައްޤު ލިބިގެންވެއެވެ. އިންތިހާބަށް ޖުމުލަ 574 ވޯޓު ފޮށި ބަހައްޓާފައިވެއެވެ. އޭގެތެރެއިން މާލެ ސަރަހައްދުގައި 176 ފޮށި ބަހައްޓާފައިވާއިރު ރާއްޖެއިން ބޭރުގައި 8 ވޯޓު ފޮށި ބަހައްޓާފައިވެއެވެ.