ފޭދޫ ލިލީ މަގުގައި ހުންނަ "އީޒީ މިނީ" ފިހާރައިގައި ރޭ ދަންވަރު އަލިފާން ރޯވެ އެކިވަރުގެ ގެއްލުން ވެއްޖެއެވެ.
އީޒީ މިނީ ފިހާރައިން ވާހަކަ ދެއްކި މީހަކު ބުނީ ރޭ ދަންވަރު 3:30 ހާއިރު ފިހާރައިގައި ރޯވިކަން އެގުނީ ޖެހިގެން ހުރި ގޭގެ ތެރެއަށް ދުމުގެ އަސަރުކޮށްގެން އެގޭގެ މީހުން ހޭލައިގެން ބެލުމުން ކަމަށެވެ. އަދި އެގޭގެ މީހުން ފިހާރައިގެ ބިއްލޫރިގަނޑު ތަޅާލައިގެން އަލިފާންގަ ކޮންޓްރޯލް ކޮށްފައިވާ ކަމަށް އޭނާ ބުންޏެވެ.
މިހާދިސާގައި ފިހާރައިގައި ބޭނުންކުރާ ލިޔެކިއުމުގެ ސާމާން އާއި ބައެއް ތަކެތި ވަނީ އަނދާފައެވެ.
ފިހާރައިން ވާހަކަ ދެއްކި މީހާ ބުނީ އަލިފާން ރޯވެފައިވަނީ ކަރަންޓް ޝޯޓަކުން ކަމަށް ބެލެވޭ ކަމަށެވެ. އަދި މީ ބަޔަކު ހިންގި އަމަލެއް ކަމަށް ނުބެލެވޭ ކަމަށެވެ.