ނ. ވެލިދޫގައި ސަރުކާރުން ތަރައްޤީ ކުރަން ނިންމާފައިވާ ޖޫނިއަރ ކޮލެޖުގެ ޢަމަލީ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގް ކޮމްޕެނީ (އެމްޓީސީސީ) އިން ފަށައިފިއެވެ.
ވެލިދޫ ޖޫނިއަރ ކޮލެޖުގެ ޢަމަލީ މަސައްކަތް އެމްޓީސީސީން ފެށީ، މިމަހުގެ 5 ވަނަ ދުވަހުއެވެ. މިމަސައްކަތަށް ބޭނުންވާ ސާމާނު ވެލިދޫއަށް މިދިޔަ އޯގަސްޓު މަހުގެ ތެރޭގައި ވަނީ ގެންގޮސްފައެވެ.
ނ.ވެލިދޫ ޖޫނިއަރ ކޮލެޖް ހެދުމުގެ މަޝްރޫޢުގެ އަމަލީ މަސައްކަތް 5 ސެޕްޓެމްބަރ 2023 ވަނަ ދުވަހު ފެށިއްޖެ.
މި މަޝްރޫޢުގެ ދަށުން، 10,276 އަކަ ފޫޓުގެ ސަރަޙައްދެއްގައި 1 ފަންގިފިލާގެ އިމާރާތެއް އެޅުމުގެ މަސައްކަތް ހިމެނޭ. އަދި މި އިމާރާތުގެ ތެރޭގައި 2 ކްލާސް ރޫމާއި، އައި.ސީ.ޓީ.… pic.twitter.com/sK0nsgQuo4
— MTCC Plc (@MTCCPlc) September 12, 2023
އެމްޓީސީސީން ބުނެފައިވަނީ ނ. ވެލިދޫ ޖޫނިއަރ ކޮލެޖް މަޝްރޫއުގެ އަމަލީ މަސައްކަތް ފެށުމަށްޓަކައި، 17 އޯގަސްޓް 2023 ވަނަ ދުވަހު ޕްރޮޖެކްޓް ސައިޓް މޮބިލައިޒް ކުރެވިފައިވާ ކަމަށެވެ.
މި މަޝްރޫއުގެ ދަށުން، 10,276 އަކަ ފޫޓުގެ ސަރަޙައްދެއްގައި 2 ކްލާސް ރޫމާއި، 2 ވޯރކްޝޮޕާއި، 1 އައިސީޓީ ލެބާއި، 1 ލައިބްރަރީ ހިމެނޭ އިމާރާތެއް ބިނާ ކުރުމުގެ މަސައްކަތް ހިމެނެއެވެ.
ނ. ވެލިދޫ ޖޫނިއަރ ކޮލެޖްގެ މަޝްރޫއަކީ 11.9 މިލިއަން ރުފިޔާ ޙަރަދުކޮށްގެން ސަރުކާރުން ހިންގާ މަޝްރޫޢެކެވެ.