ރިޔާސީ އިންތިހާބުގެ ދެވަނަ ބުރަށް ރީރަޖިސްޓްރީ ކުރުމަށް ހުޅުވާލުމުން ދެ ދުވަސް ތެރޭގައި 25،000 އަށްވުރެއް ގިނަ މީހުން ރީރަޖިސްޓްރީ ކުރަން ހުށަހެޅުމުން ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު އެކަމާ މެދު ސުވާލު އުފައްދަވައިފިއެވެ.
ޑރ. މުއިއްޒު ކުރެއްވި ޓްވީޓެއްގައި ވިދާޅުވީ ދެ ދުވަސްތެރޭގައި 25،000 އަށްވުރެއް ގިނަ މީހުން ރީރަޖިސްޓްރީ ވުމަށް ހުށަހެޅުމަކީ ސުވާލު އުފެދޭ ކަމެއް ކަމަށެވެ.
It is highly questionable that 25000 people would have re-registered in just 2 days for the upcoming second round of the Presidential Election. This must be seriously looked into by all political parties, international monitors, observers and other concerned bodies.
— Dr Mohamed Muizzu (@MMuizzu) September 17, 2023
މިކަން ސީރިއަސްކޮށް ސިޔާސީ ޕާޓީތަކުންނާއި އިންޓަނޭޝަނަލް މޮނީޓަރުން އަދި އޮބްޒާވަރުން އަދި ކަމާގުޅުންހުރި އެހެން ފަރާތްތަކުން ބަލަންޖެހޭ ކަމަށްވެސް މުއިއްޒު ވިދާޅުވިއެވެ.
އީސީން މިއަދު ބުނެފައިވަނީ ރިޔާސީ އިންތިހާބުގެ ދެވަނަ ބުރަށް ރީރަޖިސްޓްރީވުމަށް މިހާތަނަށް ޖުމްލަ 25،493 މީހުން ހުށަހަޅާފައިވާ ކަމަށެވެ. އީސީން ބުނެފައިވަނީ މިހާތަނަށް، ދެވަނަބުރުގައި، 10271 މީހުން ރީ-ރަޖިސްޓަރީ ކޮށްދެވިފައިވާ ކަމަށެވެ. އަދި ރީ-ރަޖިސްޓަރީ ކުރަން ހުށަހެޅި ފޯމުތަކުން، އެކިއެކި ސަބަބުތަކާ ހުރެ މިހާތަނަށް 1546 ފޯމު ރިޖެކްޓް ވެފައިވާ ކަމަށެވެ.