މާލެސިޓީގެ މޭޔަރުގެ މަގާމަށް ޔޫތް މިނިސްޓަރު އަހުމަދު މަހުލޫފު ވާދަކުރެއްވުމަށް ނިންމަވައިފިއެވެ.
މާލެސިޓީ މޭޔަރުގެ މަގާމުގައި ހުންނެވީ ޑރ. މުހައްމަދު މުއިއްޒުއެވެ. އެހެންނަމަވެސް މުއިއްޒު ވަނީ ރިޔާސީ އިންތިހާބުގައި ވާދަކުރައްވާ ރާއްޖޭގެ ރައީސުލްޖުމްހޫރިއްޔާގެ މަގާމަށް އިންތިހާބުވެވަޑައިގެންފައެވެ.
ޑރ. މުއިއްޒު ރައީސުލްޖުމްހޫރިއްޔާގެ ހުވާ ކުރެއްވުމާއެކު މާލެސިޓީ މޭޔަރުގެ މަގާމު ހުސްވާނެއެވެ.
މަހުލޫފް މިއަދު ވިދާޅުވީ މާލޭ މޭޔަރު މަގާމުގެ ބައި-އިލެކްޝަންގައި ވާދަކުރުމަށް ނިންމަވާފައިވާ ކަމަށެވެ.
"ވީމާ މާލޭގެ އެންމެހާ ރައްޔިތުން ތާއީދު ކޮށްދެއްވުމަކީ އަޅުގަނޑުގެ ވަރަށް ބޮޑު އެދުމެކެވެ." މަހުލޫފް ވިދާޅުވިއެވެ.
بِسْمِ اللهِ الرَّحْمٰنِ الرَّحِيْمِ
17 ނޮވެމްބަރު 2023 ވަނަ ދުވަހު ހުސްވާ މާލޭ މޭޔަރު މަގާމުގެ ބައި-އިލެކްޝަންގައި ވާދަކުރުމަށް އަޅުގަނޑު ނިންމައިފީމެވެ.
ވީމާ މާލޭގެ އެންމެހާ ރައްޔިތުން ތާއީދު ކޮށްދެއްވުމަކީ އަޅުގަނޑުގެ ވަރަށް ބޮޑު އެދުމެކެވެ.
ޝުކުރިއްޔާ. #Mahloof4Mayor pic.twitter.com/3PbSM19vpV
— Ahmed Mahloof (@AhmedMahloof) October 4, 2023
ރައީސް އިބްރާހިމް މުހައްމަދު ސޯލިހްގެ މިވެރިކަމުގައި މަހުލޫފް ހުންނެވީ ޔޫތް މިނިސްޓަރުގެ މަގާމުގައެވެ.