ރައީސް އިބްރާހިމް މުހައްމަދު ސޯލިހްގެ އަނބިކަނބަލުން މެޑަމް ފަޒްނާ އަހުމަދު އިންތިހާބީ ރައީސް ޑރ. މުހައްމަދު މުއިއްޒުގެ އަނބިކަނބަލުން ސާޖިދާ މުހައްމަދާ ބައްދަލުކުރައްވައިފިއެވެ.
މި ބައްދަލުވުން މިއަދު ކުރިއަށް ގެންގޮސްފައިވަނީ މުލިއާގޭގައެވެ.
ރައީސް އޮފީހުން މައުލޫމާތުދޭ ގޮތުން މި ބައްދަލުވުމުގައި މެޑަމް ފަޒްނާ ވަނީ އިންތިހާބީ ރައީސްގެ އަނބިކަނބަލުން ސާޖިދާއަށް މަރުހަބާ ދަންނަވާފައެވެ.
Today, First Lady Fazna Ahmed met with Sajidha Mohamed, spouse of President-elect Dr Mohamed Muizzu, at the Official Residence of the President – Mulee'aage. First Lady Fazna congratulated the incoming First Lady on Dr Muizzu's election victory in the 2023 Presidential Election. pic.twitter.com/GUXWcf8cbX
— The President's Office (@presidencymv) October 9, 2023
އިންތިހާބީ ރައީސް ޑރ. މުހައްމަދު މުއިއްޒު މަގާމުގެ ހުވާ ކުރެއްވުމަށް ހަމަޖެހިފައިވަނީ ނޮވެމްބަރު 17 ވަނަ ދުވަހުއެވެ.
ސެޕްޓެމްބަރު 30 ވަނަ ދުވަހު ބޭއްވި ރިޔާސީ އިންތިހާބުގެ ދެވަނަ ބުރުގެ ވަގުތީ ނަތީޖާއަށް ބަލާއިރު ރައިސް ސޯލިހަށް ލިބިވަޑައިގެންފައިވަނީ 109،868 ވޯޓެވެ. އަދި ޑރ. މުހައްމަދު މުއިއްޒު އިންތިހާބު ކާމިޔާބު ކުރައްވާފައިވަނީ 129،159 ވޯޓާއެކުއެވެ.